“پولیوسیز افغانستان” صحیفهسی ایکس اجتماعي ترماغیده بالهلر فلجی (پولیو)گه قرشی اېملشنینگ ینگی کمپاینی اېرتهگه (سهشنبه، ۱۶-سرطان) قندهار و هلمند ولایتلریده باشلنیشینی معلوم قیلدی.
صحیفه بیاناتیگه کۉره، کمپاین قندهار شهری، هلمند ولایتی مرکزی لشکرگاه شهری همده نهری سراج، موسی قلعه، واشیر، نادعلی و مارجه اولسواللیکلریده اۉتکزیلهدی.
“پولیوسیز افغانستان” صحیفهسی اوشبو ایکّی ولایتدهگی برچه عایلهلردن بېش یاشگچه بۉلگن فرزندلرینی پولیوگه قرشی اېملهتیشگه چقیریب، شو آرقهلی کسللیکنی افغانستانده بوتونلهی یۉق قیلیش ممکنلیگینی تأکیدلهدی.
جهان ساغلیقنی سقلش تشکیلاتی معلوماتلریگه کۉره، جاري ییلده افغانستانده پولیو نینگ آلتی نفر انساندهگی مثبت حالتی و۳۴ ته اطراف-محیط نمونهلریده مثبت حالتی قید اېتیلگن.
۲۰۲۵-ییلده اېسه افغانستانده جمعی ۲۱ته انساندهگی مثبت حالت و۹۴ ته اطراف-محیط نمونهلریده مثبت حالت رۉیخطگه آلینگن. حاضرگی وقتده افغانستان و پاکستان دنیاده پولیو کسللیگی حلی تۉلیق یۉق قیلینمهگن یگانه دولتلر حسابلنهدی.
