فاریاب ولایتیدهگی محلي منبعلر اوشبو ولایتنینگ اندخوی اولسواللیگیده۲۵ یاشلی بیر ییگیت اۉز جانیگه قصد قیلگنی حقیده خبر بېرماقده.
منبعلرگه کۉره، بو ییگیت نصیبالله اسملی بۉلیب، بوگون (دوشنبه، ۱۵-سرطان) اندخوی اولسواللیگینینگ «آقمسجد» منطقهسیده اۉز جانیگه قصد قیلگن.
منبعلرنینگ ایتیشیچه، او اویلنگن بۉلیب، تورموش اۉرتاغی هم حاملهدار.
حاضرچه اونینگ اۉز جانیگه قصد قیلیشیگه نیمه سبب بۉلگنی انیقلنمهگن. طالبلرنینگ محلي مسووللری هم بو بارهده هېچ قندهی ایضاح بېرمهگن.
طالبان حاکمیتگه قَیتگنیدن بویان افغانستاننینگ تورلی ولایتلریده یاش قیزلر و ییگیتلر اۉرتهسیده اۉز جانیگه قصد قیلیش حالتلری سېزیلرلی درجهده کۉپهیگن.
کېلهجککه بۉلگن امیدسیزلیک، قشّاقلیک، ایشسیزلیک و روحي معمالر یاشلر اۉرتهسیده اۉز جانیگه قصد قیلیشنینگ اساسي عامللری صفتیده تیلگه آلینماقده.
