«افغانستان آزادلیک جبههسی» اۉز کوچلری کابل حربي قۉنالغهسینی راکت هجومی بیلن نشانگه آلگنینی ادعا قیلدی.
جبهه بیانات نشر قیلیب، هجوم کېچه (پنجشنبه،۱۵-اسد) ساعت۸:۳۰ ده عملگه آشیریلگنی و قۉنالغهدهگی حربي تاسیساتلرگه آغیر ضرر یېتکزیلگنینی بیلدیردی.
«افغانستان آزادلیک جبههسی» شونینگدېک، اوشبو هجومده طالبلرنینگ بیر نېچه اعضاسی هلاک بۉلگنی و یرهلنگنی، اما یۉقاتیشلر همده یېتکزیلگن ضرر مقداری حاضرچه انیق اېمسلیگینی ایتگن.
جبهه بیاناتیده ایتیلیشیچه، «طالبلر بدخشان ولایتینینگ زیباک اولسواللیگیده کېتمه-کېت مغلوبیتلرگه اوچرهگنیدن سۉنگ، ایچکی و خارجي جنگریلرنی کابل، قندوز، قندهار و بلخ قۉنالغهلری آرقهلی بدخشانگه کۉچیرماقده. بو نشانلر آزادلیک جنگچیلرینینگ ضربه دایرهسیدن چېتده قالمهیدی.»
طالبلر حاضرچه کابل حربي قۉنالغهسیگه هجوم اویوشتیریلگنی حقیدهگی ادعانی تصدیقلهمهگن.
«افغانستان آزادلیک جبههسی» نینگ بیلدیریشیچه، او تخمیناً ایکّی هفتهدن بویان بدخشان ولایتینینگ زیباک اولسواللیگیده طالبان کوچلری بیلن تۉقنش کېلماقده. طالبلر دستلبکی تۉقنهشوونی تصدیقلهگن، بیراق کېینگی جنگلر دوام اېتهیاتگنینی حاضرگچه تصدیقلهمهگن.
