طالبلرنینگ قندههار ولایتی امنیه قوماندانلیگی مطبوعات سۉزلاوچیسینینگ معلوم قیلیشیچه، ولایت مرکزیده بیر یاش ییگیت بالته بیلن اۉلدیریلگن.
اسدالله جمشیدينینگ ایتیشیچه، حادثه بوگون (چهارشنبه، ۲۱ اسد) تانگده قندهار شهری نینگ یېتّینچی خوفسیزلیک ناحیهسیگه قرهشلی کوبی منطقهسیده صادر بۉلگن.
اونینگ سۉزلریگه کۉره، مذکور واقعه یوزهسیدن ییگیت نینگ خاتینی قۉلگه آلینگن. او ینه بیر شخص بیلن همکارلیکده اېرینی اۉلدیرگنینی تن آلگن.
جمشیدينینگ قۉشیمچه قیلیشیچه، جنایتگه علاقهدار ایکّینچی شخص واقعه جاییدن قاچیب کېتگن.
محلي منبعلرنینگ بیلدیریشیچه، مقتول نینگ اسمی رازخان بۉلگن. او هلمند ولایتی نینگ ناوه اولسواللیگی یشاوچیسی بۉلیب، قندههار ولایتیده یشب کېلگن.
طالبلرنینگ قندهار امنیه قوماندانلیگی مطبوعات سۉزلاوچیسی قاتللیکنینگ سببلری حقیده معلومات بېرمهگن.
