خلق ارا خبرچیلر فدراسیونی حمید فرهادینینگ آزاد اېتیلگنیدن ممنونیت اظهار قیلیب، اوشبو ژورنالیست هېچ قچان حبسگه آلینمسلیگی کېرهک اېدی، دېب ایتدی.
اوشبو تشکیلات بوگون، جمعه کونی (۲۳-اسد) ایکس اجتماعي ترماغیده پیام نشر قیلیب، افغانستانده طالبلر تامانیدن حبسگه آلینگن برچه ژورنالیستلر آزاد قیلینیشی کېرهکلیگینی تأکیدلهدی.
جهان ژورنالیستلری فدراسیونی۱۴۰ ته مملکتدهگی۱۸۷ ته ژورنالیستلر اویوشمهسی و تشکیلاتیگه اعضا بۉلگن۶۰۰مینگ ژورنالیستدن تشکیل تاپگن.
اوشبو تشکیلات حمید فرهادینینگ آزاد اېتیلیشینی «یخشی خبر» دېب اتهب، شوندهی دېدی: «او باشیدناق هېچ قچان حبسگه آلینمسلیگی کېرهک اېدی. افغانستانده حبسگه آلینگن برچه ژورنالیستلر حاضر آزاد قیلینیشی کېرهک.»
حمید فرهادی ۱۴۰۳-هجري-شمسي ییل نینگ ۱۳-سنبله کونی طالبان ایچکی ایشلر وزیرلیگی کوچلری تامانیدن کابل شهریده حبسگه آلینگن اېدی.
او طالبلر محکمهسی تامانیدن اوشبو گروهگه قرشی «ترغیبات» آلیب باریش و «اطلاعات روز» گزیتهسی بیلن همکارلیک قیلیشده عیبلنیب، ایکّی ییلگه آزادلیکدن محروم اېتیلگن اېدی. او قریب ایکّی ییل اۉتیب، کېچه، پنجشنبه کونی (۲۲-اسد)، بگرام قماقخانهسیدن آزاد قیلیندی.
