بیرلشگن ملتلر تشکیلاتی نینگ انسانپرورلیک یاردملرنی موافقلشتیریش باشقرمهسی (اوچا) نینگ معلوم قیلیشیچه، ۲۰۲۶-ییلنینگ جنورییدن جونیگچه افغانستانده یاردم کۉرستووچی تشکیلاتلر۷.۴میلیون کیشیگه کمیده بیر توردهگی یاردم یېتکزگن.
اوچا گزارشیده ایتیلیشیچه، آلینگن مبلغ مقداریگه نسبتاً اوشبو قمراو درجهسی سېزیلرلی حسابلنهدی.
اوشبو تشکیلاتگه کۉره، یاردم آلگنلر نینگ۶۲ فایزی، یعنی۴.۶میلیون کیشی آزیق-طعام یاردمینی آلگن.
اوچانینگ ایتیشیچه، بو حالت افغانستاندهگی کېسکین آزیق-طعام خوفسیزلیگی معماسی کۉلمی همده آزیق-طعام یاردمینینگ عمومي یاردم آلووچیلر سانینی بېلگیلشدهگی مهم رۉلینی کۉرسهتهدی.
شو بیلن بیرگه، بیرلشگن ملتلر تشکیلاتی افغانستاندهگی یاردم عملیاتلری مبلغ یېتیشماوچیلیگیگه دوچ کېلهیاتگنینی بیلدیرگن.
اوچا معلوماتیگه کۉره، ضرور بۉلگن جمعی۱.۷۱میلیارد دالرنینگ۱.۴۲میلیارد دالری، یعنی۸۳ فایزی حلی هم مالیهلشتیریلمهگن.
تشکیلات انسانپرورلیک احتیاجلر رېجهسیده اېنگ دالضرب مالي احتیاج صفتیده کۉرستیلگن۴۶۵ میلیون دالرنینگ۳۷ فایزی همان تأمینلنمهگنینی قید اېتگن.
بیرلشگن ملتلر تشکیلاتی تشکیلاتلری معلوماتیگه کۉره، حاضر افغانستانده قریب۱۴میلیون کیشی آچلیک بیلن یوزلشماقده.
جهان آزیق-طعام دستوریگه کۉره، جاري ییلده افغانستانده قریب۳.۷میلیون باله اۉتکیر تۉییب طعاملنمسلیکدن اذیت چېکیشی، شونینگدېک،۱.۲ میلیون حاملهدار عیال و اېمیزیکلی آنه هم تۉییب طعاملنمسلیک معماسیگه دوچ کېلیشی کوتیلماقده.
