طالبلرنینگ ارزگان ولایتیدهگی محلي رسميلری ولایت مرکزیده بیر اۉسمیر باله نینگ قورال بیلن اۉزینی آتیب، جانیگه قصد قیلگنینی معلوم قیلدی.
ولایت پولیس مطبوعات سۉزلاوچیسی بلال ارزگاني بو یاش ییگیت دوشنبه کونی (۲۶ اسد) تیرینکوتگه قرهشلی سرخوم حدودیده یوز بېرگن آغزهکی جنجلدن سۉنگ اۉز جانیگه قصد قیلگنینی ایتدی.
او اۉز جانیگه قصد قیلیش نینگ اساسي سببینی انیق کۉرسهتمهگن بۉلسه-ده، حادثه یوزهسیدن تېرگاو باشلنگنینی بیلدیردی.
افغانستانده وقتی-وقتی بیلن عایلهوي زۉراورلیک و اقتصادي معمالر آرتیدن بوندهی اۉز جانیگه قصد قیلیش حالتلری صادر بۉلماقده.
سۉنگی بېش ییل دوامیده اۉز جانیگه قصد قیلیش بیلن باغلیق کۉپلب حالتلر قید اېتیلگن.
