افغانستان نینگ سابق جمهور رییسی حامد کرزی، مستقللیکنی اۉغیل و قیزلردن عبارت بیلیملی یاشلر بیلن سقلب قالیش ممکنلیگینی ایتدی.
کرزی بوگون (چهارشنبه، ۲۸-اسد) مملکت مستقللیگی نینگ۱۰۷ ییللیگی مناسبتی بیلن نشر قیلگن بیاناتیده ینه بیر بار برچه اوچون تعلیم آلیش امکانیتینی یرهتیشگه چقیردی.
سابق جمهور رییس نینگ ایتیشیچه، مستقللیککه اېریشیش قنچهلیک قدرلی بۉلمهسین، اونی سقلب قالیش فقط افغانستان کوچلی و اۉز کوچیگه تهیهنهدیگن دولت بۉلگن تقدیردهگینه ممکن.
جناب کرزی مملکتنینگ کوچی برقرار تینچلیک و آسایشتهلیک، ملي بیرلیک همده بیلیملی یاشلرگه باغلیقلیگینی تأکیدلهدی.
او مملکتدهگی برچه فرزندلر – قیزلر و اۉغیل بالهلر اوچون تعلیم آلیش امکانیتینی یرهتیشگه چقیردی.
کرزی بوندن اوّل هم بیر نېچه بار طالبلردن یخشیراق و برقرار کېلهجک اوچون عیاللر و قیزلرنینگ تعلیم آلیشی همده ایشلشی یۉلیدهگی چېکلاولرنی آلیب تشلشنی سۉرهگن. طالبلر مملکت مستقللیککه اېریشگنی نینگ ییللیگینی، افغانستان نینگ سابق قیرالی اماناللهخان دوریده قۉلگه کیریتیلگن مستقللیکنی نشانلهیاتگن بیر پیتده، اماناللهخان تعلیم و عیاللر تېنگلیگیگه ایشانگن اېدی. اونینگ حکمرانلیگی دوریده قیزلر اوچون ایلک مکتب تشکیل اېتیلگن و کيینیش اېرکینلیگی قصردن باشلنگن اېدی.
