بلخ-سمنگان عمومی قتناو یۉلیده یوز بېرگن ترافیک حادثهده اوچ کیشی جان بېردی.
طالبلرنینگ سمنگان ولایتی پولیس قوماندانلیگی سۉزلاوچیسی حشمتالله رحمانينینگ معلوم قیلیشیچه، حادثه بوگون (پنجشنبه، ۲۹-اسد) حضرت سلطان اولسواللیگینینگ دولت آباد منطقهسیده صادر بۉلگن.
اونینگ ایتیشیچه، کرولا روسوملی یېنگیل موتر یوک موتری بیلن تۉقنهشگن. عاقبتده یېنگیل موتردهگی اوچ یۉلاوچی جان بېرگن.
حادثه نینگ سببی حاضرچه معلوم اېمس.
رحماني یوک موتری هیداوچیسی واقعه جاییدن قاچیب کېتگنینی بیلدیرگن.
هیداوچیلرنینگ احتیاطسیزلیگی و بېلگیلنگن تېزلیکدن آشیشی، یۉل حرکتی قاعدهلریگه رعایه قیلمسلیک همده یۉللرنینگ یراقسیزلیگی بوندهی حادثهلرنینگ اساسي عامللری صفتیده کۉرسهتیلهدی. بوندهی ترافیک حادثهلری هر ییلی یوزلب انسانلرنینگ حیاتیگه ضامن بۉلماقده.
