عایشه وهاب،۳۹یاشلی عیال، مخصوص سیلاو آرقهلی امریکا کانگرهسیگه سیلنگن افغانستانلیک کېلیب چیقیشیگه اېگه بۉلگن ایلک شخص بۉلدی.
اوشبو سیلاو چهارشنبه،۲۸ اسد کونی بۉلیب اۉتدی. اونده عایشه وهاب۵۱ مینگدن آرتیق آواز تۉپلب، اۉز حزب داشی ملیسا هرناندزنی مغلوب اېتدی.
وهاب کالیفرنيه نینگ ۱۴-سیلاو بۉلگهسیدن ۲۰۲۷ییل جنورییگچه بۉلگن تۉرت آیلیک قیسقه مدتگه سیلندی.
او دېموکرات صفتیده اوشبو حزبنینگ سابق وکیلی اېریک سوالول نینگ اۉرنینی اېگهلهیدی. سوالول جاري ییل نینگ اپرېل آییده وکیللر اعضاسی دېپوتاتلیک لوازمیدن استعفاگه چیققن اېدی.
عایشه وهاب افغانستاندهگی شوروی قۉشینلری نینگ موجودلیگی بیلن باغلیق اوروشلر دوریده مملکتنی ترک اېتگن افغانستانلیک مهاجر عایلهسیده توغیلگن. او ۱۹۸۷-ییلده نیویارکده توغیلگن، بالهلیگیده آته-آنهسیدن اَیریلگن و تۉقّیز یاشیدن باشلب وصيلیک آستیده اولغهیگن.
عایشه وهاب سیاستشناشلیک، بیزنس باشقرووی و اجتماعي ایش یۉنهلیشلریده تحصیل آلیب، دوکتورلیک درجهسیگچه یېتگن.
او ۲۰۱۸-ییلده هَیورد شهر کېنگشیگه سیلنیشی آرقهلی سیاستگه کیریب کېلگن. ۲۰۲۲-ییلده اېسه کالیفرنيا شتاتی سېناتیگه سهیلنگن.
