«افغانستان ملي مقاومت جبههسی»گه یقین منبعلر تیناوون حسیب پنجشیری بیلن بیرگه اونینگ ینه ایکّی همراهی هم طالبلر تامانیدن اۉلدیریلگنینی و حاضرگچه اولرنینگ جسدلری عایلهلریگه تاپشیریلمهگنینی معلوم قیلدی.
ملي مقاومت جبههسیگه یقین منبع بوگون (جمعه،۳۰ اسد) «اطلاعات روز» گزیتهسیگه کېچه حسیب پنجشیری بیلن بیرگه رومل پنجشیری و عتیق پنجشیری اوشبو جبهه نینگ ینه ایکّی اعضاسی هم اۉلدیریلگنینی تصدیقلهدی.
منبع نینگ ایتیشیچه، رومل پنجشیری شتل اولسواللیگی، عتیق پنجشیری اېسه پنجشیر ولایتی مرکزیگه قرهشلی منجور قیشلاغیده یشهگن. منبعگه کۉره، رومل اوّلگی حکومت دوریده ملي خوفسیزلیک باشقرمهسیده افسر، عتیق اېسه اوردو افسری بۉلگن.
منبعنینگ قۉشیمچه قیلیشیچه، قوماندان حسیب پنجشیری و اونینگ ایکّی جنگچیسی اۉلدیریلگن طالبلر پیستیرمهسیده «افغانستان ملي مقاومت جبههسی» نینگ ینه تۉقّیز نفر اعضاسی طالبان تامانیدن اسیرگه آلینگن.
ایتیلیشیچه، طالبلر اۉلدیریلگنلر و ملي مقاومت جبههسی اسیرلرینی پروان ولایتیدهگی طالبلر استخبارات باشقرمسیگه آلیب کېتگن.
«افغانستان ملي مقاومت جبههسی» اوشبو جبههنینگ یوقاری مرتبهلی قوماندانلریدن بیری حسیب پنجشیری طالبان تامانیدن اۉلدیریلگنینی معلوم قیلدی.
ملي مقاومت جبههسی اوشبو واقعه تفصیلاتلرینی تېکشیروودن سۉنگ اعلان قیلیشینی بیلدیرگن.
طالبلر ایچیدهگی منبعلر حسیب پنجشیری و اونینگ آدملری شمالي سالنگ حدودیده نشانگه آلینگنینی ایتگن.
