اۉزبېکستان یېتکرمهلری خبریگه کۉره، افغانستان وطنداشی «ترمز خلق ارا بازاری»ده گیاهوند مادّهلر ساتیشگه اورینگنلیکده گمانلنیب، قۉلگه آلینگن.
«دریا» اخبارات اگېنتلیگی بوگون (شنبه،۳۱ اسد) خبر بېردیکی، گماندار۲۳ یاشلی اېرکک بۉلگن.
خبرگه کۉره، افغانستان وطنداشی۵۰۶ گرام تریاکنی «ایچکی اعضالریگه یهشیریب»، چېگرهدن آلیب اۉتگن و اونی قۉشمه بازارده ساتماقچی بۉلگن.
اۉزبېکستان ایچکی خوفسیزلیک خدمتینینگ معلوم قیلیشیچه، اوشبو افغانستان وطنداشی گیاهوند مادّهلرنیایکی مینگ ۵۰۰امریکا دالریگه ساتهیاتگن پیتده قۉلگه آلینگن.
شو بیلن بیرگه، اۉزبېکستان خوفسیزلیک خادملری عینِ چېگره حدودیده گیاهوند مادّهلر قاچاقیده گمان قیلینگن ینه اوچ کیشینی هم قۉلگه آلگن. بیر حالتده۴۶ یاشلی اېرکک بیر کیلوگرام تریکا و قریب بیر کیلوگرام گهشیشه قاچاقیده، باشقه حالتده اېسه۴۰ و۶۰ یاشلی ایکّی اېرکک یریم کیلوگرام حشیش قاچاقیده گمانلنیب حبسگه آلینگن.
حاضرده اوچته علیحده حالت بۉییچه قۉلگه آلینگن تۉرت نفر گماندارنینگ برچهسیگه نسبتاً جنایي ایش قۉزغهتیلگن.
طالبلر گیاهوند مادّهلرنی یېتیشتیریش و سوداسیگه قرشی کورهشهیاتگنینی ایتهیاتگن بۉلسه-ده، مرکزي آسیا دولتلری افغانستان حدودی آرقهلی گیاهوند مادّهلر قاچاقی کوچهیهیاتگنی حقیده خبر بېرماقده.
تاجیکستان ملي خوفسیزلیک کمیتهسی کېچه افغانستان نینگ ایکّی وطنداشی۱۷کیلوگرام حشیشنی قاچاق یۉلی بیلن آلیب اۉتیشگه اورینگن پیتده تاجیکستان چېگرهچیلری بیلن قوراللی تۉقنهشووده اۉلدیریلگنینی معلوم قیلدی.
