پروان ولایتیدهگی منبعلر طالبلر سالنگ اولسواللیگیدن ایکّی کیشی سابق حربي خدمتچینی هم اۉز ایچیگه آلگن آلتی نفر تینچ اهالینی حبسگه آلگنینی اَیتماقده.
منبعلرنینگ ایتیشیچه، حبسگه آلینگنلردن ایکّی کیشی رئیسآغه سالنگی و نصرالله – جمهوریت دوریده پولیس کوچلری صفیده خدمت قیلگن. قالگن تۉرت نفر حبسگه آلینگن – شریف، محمدآغه، میرویس و سهراب اۉقووچیلردیر.
منبعلر بو آلتی کیشی آلتی کون اوّل سالنگ اولسواللیگی نینگ «للمهسبزک» قیشلاغیدن حبسگه آلینگنی و حاضر چاریکاردهگی طالبلرنینگ تروریزمگه قرشی کورهش باشقرمهسیده سهقلنهیاتگنینی اَیتماقده.
منبعلرگه کۉره، حبسگه آلینگنلر نینگ عایلهلری اولر نینگ احوالی حقیده هېچ قندهی معلوماتگه اېگه اېمس.
منبعلر طالبلر بو شخصلرنی گروه نینگ نظارت-اۉتکزیش پوستهسیگه هجوم قیلیشده عیبلهگنینی بیلدیرماقده. بیراق منبعلرنینگ ایتیشیچه، حبسگه آلینگنلر عادي فقرالر بۉلیب، طالبلرگه قرشی گروهلر بیلن هېچ قندهی علاقهسی یۉق.
