پنجشیردهگی محلي منبعلر افغانستان ملی مقاومت جبههسی قوماندانی حسیب پنجشیری تۉرت کون آلدین طالبلر تامانیدن اۉلدیریلگنیدن سۉنگ، اونینگ جسدی ولایت نینگ عنابه اولسواللیگیده دفن اېتیلگنینی معلوم قیلدی.
منبعلرگه کۉره، طالبلر بوگون (دوشنبه، ۲-سنبله) اېرتهلب حسیب پنجشیری جسدینی عایلهسیگه تاپشیرگن. اونینگ جسدی جنازه نمازی اۉقیلگچ، ساعت ۹:۰۰ اطرافیده عنابه اولسواللیگینینگ «زمانکور» قیشلاغیده دفن اېتیلگن.
منبعلر دعواسیگه کۉره، طالبان اۉزینینگ مخالف قوماندانی دفن مراسمی و جنازهسیده اهالی نینگ اشتراک اېتیشیگه قتّيق چېکلاولر اۉرنتگن. شونگه قرهمهی، مراسمده «یوزلب کیشی» قتنهشگن.
حسب پنجشیري افغانستان ملی مقاومت جبههسی نینگ ینه ایکّی اعضاسی بیلن بیرگه تۉرت کون آلدین شمالي سالنگ حدودیده طالبان پیستیرمهسیگه اوچرهب، هلاک بۉلگن.
منبعلر «اطلاعات روز» گزیتهسیگه معلوم قیلیشیچه، طالبلر اوشبو شخصلرنینگ جسدلرینی پنجشیردهگی اَیریم محلي وکیللری نینگ واسطهچیلیگی آرقهلی عایلهلریگه تاپشیرگن.
«افغانستان ملي مقاومت جبههسی» طالبان تامانیدن اۉز قوماندانی اۉلدیریلگنینی تصدیقلهگن.
