غزنی ولایتینینگ جاغوری اولسواللیگیدهگی منبعلرگه کۉره،۲۶ یاشلی ییگیت سِرلی طرزده اۉلدیریلگن و اونینگ کویدیریلگن جسدی تاغدن تاپیلگن.
بیر منبع بوگون (دوشنبه، ۲-سنبله) «اطلاعات روز» گزیتهسیگه یوبارگن پیامیده بو ییگیتنینگ اسمی عبدالخالق هزاره بۉلیب، او جاغورینینگ «چهلباغتوی هوقی» حدودیدهگی «کتّه بید» قیشلاغیده یشهگنینی ایتگن.
منبعنینگ سۉزلریگه کۉره، عبدالخالق بېش کون آلدین اوییدن بېدرَک یۉقالگن و تیناوون (یکشنبه، ۱-سنبله) اونینگ کویدیریلگن جسدی تاغدن تاپیلگن.
منبعنینگ قۉشیمچه قیلیشیچه، خالق قندهارده قوریلیش ایشلریده ایشلهگن و یقینده اوییگه قَیتگن.
منبع شوندهی دېگن: «خالق قندهاردن کېلگن اېدی. سنگماشه دۉستی نینگ موتر سیکلینی وقتینچه آلیب، «چهلباغتوی هوقی» گه قرهشلی کتّه بید قیشلاغیدهگی اوییگه کېلگن، اما اېرتهسی کونی بېدرَک یۉقالگن.»
حاضرچه اوشبو ییگیتنینگ اۉلدیریلیش سببی و قاتللیکنی صادر اېتگن شخصلر انیقلنمهگن. غزنیدهگی طالبلرنینگ محلي رسميلری بو بارهده ایضاح بېرمهگن.
طالبلرنینگ مملکتدهگی خوفسیزلیک حقیدهگی دعوالریگه قرهمهی، جنایتلر، جملهدن، سِرلی قاتللیکلر دوام اېتماقده.
