محلي منبعلر طالبلر استخباراتی پنجشیرلیک محلي آوازخوان «سید غفار آغا»نی کابلده حبسگه آلگنینی اَیتماقده.
اوشبو آوازخواننینگ قرینداشلریدن بیری «اطلاعات روز» گزیتهسیگه بېرگن معلوماتیده او بوگون، سهشنبه، ۳-سنبله کونی کابل شهرینینگ ۱۵-ناحیهسیدن حبسگه آلینگنینی ایتدی.
اونینگ سۉزلریگه کۉره، سید غفار آغا «افغانستان ملي مقاومت جبههسی» قوماندانی حسیب پنجشیري نینگ اۉلیمی مناسبتی بیلن اجتماعي ترماقلرده تعزیه بیلدیرگن و بیر ویدېوده اونینگ اوچون ییغلگن. احتمال، طالبان اونی عیناً شو سببلی حبسگه آلگن.
منبع معلوماتیگه کۉره، سید غفار آغا اۉتگن هجري-شمسي ییلی ایراندن افغانستانگه قَیتگن و طالبان اوندن باشقه قۉشیق ایتمسلیک همده عادي اهالی کبی یشش حقیده مجبوريت آلگن.
طالبلر مسووللری حاضرچه اوشبو محلي آوازخواننینگ حبسگه آلینیشی یوزهسیدن ایضاح بېرمهگن.
طالبلر افغانستانده حاکمیتنی قَیته قۉلگه کیریتگنیدن بویان آدملرنینگ اجتماعي ترماقلردهگی فعالیتینی کوزهتیب کېلماقده و تنقیدي پُستلر یاکه اۉز مخالفلرینی قۉللب-قوّتلاوچی ماتریاللرنی نشر قیلگنلیکده عیبلب، کۉپلب آدملرنی حبسگه آلیب، قماققه تشلهگن.
