طالبلرنینگ «امر به معروف و نهی از منکر» وزیرلیگی اوشبو گروه محتسبلریگه ۱۰۰ ته موتور سایکل ترقه‌تیلگنینی معلوم قیلدی.
مذکور وزیرلیک موتر سیکللرنی اۉز خادملریگه ترقه‌تیشدن مقصد خلق شکایتلرینی اۉز وقتیده کۉریب چیقیش و «منکر»لر نینگ آلدینی آلیش اېکنینی بیلدیرگن.
طالبلرنینگ «امر به معروف» وزیرلیگی مطبوعات سوزلاوچیسی سیف‌السلام خیبرنینگ ایتیشیچه، اوشبو موتور سیکللردن ۴۲ ته‌سی کابل ولایتیده‌گی وزیرلیک‌نینگ شهر باشقرمه‌سیگه قره‌شلی ۲۲ ته حدودگه اجره‌تیلگن. قالگن موتر سیکللر اېسه کابل‌نینگ اولسواللیکلری همده باشقه اَیریم ولایتلرگه یوباریلگن.
اونینگ سۉزلریگه کۉره، اوشبو ترانسپورت واسطه‌لری محتسبلرنینگ ایشلرینی بجریش جریانینی آسانلشتیره‌دی.
محتسبلر یاکه طالبلرنینگ «امربه معروف» خادملری فقرالرنینگ کییمی و تشقی کۉرینیشینی نظارت قیله‌دی. اولر عادتده عیاللرنی طالبلر تامانیدن معقوللنگن کيینیش قاعده‌لریگه رعایه قیلمه‌گنی اوچون، اېرککلرنی اېسه سقالی‌نینگ اوزونلیگی سببلی حبسگه آله‌دی.
بیرلشگن ملتلر تشکیلاتی‌نینگ افغانستان‌ده‌گی یاردم اداره‌سی (یوناما) انسان حقوقلری بۉلیمی ینگی حساباتیده سۉنگگی اوچ آی ایچیده طالبلرنینگ «امر به معروف و نهي از منکر» خادملری تامانیدن عیاللر و اېرککلرنینگ کمیده ۴۴۳ته «اۉزباشیمچه‌لیک بیلن» حبسگه آلینیشی و اوشلب توریلیشی حالتینی حجتلشتیرگنینی بیلدیرگن.
طالبان نینگ اوشبو خادملری کېنگ وکالتلرگه اېگه.
