باميان ولایتیده بیرلشگن ملتلر تشکیلاتی خادیمیگه هجوم قیلینگنی حقیده‌گی خبرلر ترقه‌لگنیدن سۉنگ، بیرلشگن ملتلر تشکیلاتی‌نینگ افغانستانده‌گی یاردم اداره‌سی (یوناما) اوشبو خبرلرنی تصدیقله‌دی.
یوناما نماینده‌لریدن بیری «اطااعات روز» گزیته‌سی مخبریگه یوبارگن پیامیده شونده‌ی دېدی: «تیناوون بیرلشگن ملتلر تشکیلاتی خادملریدن بیری بیلن باغلیق خوفسیزلیک حادثه‌سی یوز بېرگنی حقیده خبر آلدیک. حاضر اوشبو خبر بۉییچه معلومات تۉپله‌یه‌پمیز».
اونینگ قۉشیمچه قیلیشیچه، بیرلشگن ملتلر تشکیلاتی‌نینگ خادیمی خبر قیلینگن حادثه‌دن سۉنگ جراحتلنمه‌گن.
یوناما وکیلی واقعه یوزه‌سیدن باشقه تفصیلاتلرنی معلوم قیلمه‌گن.
خبرلرگه کۉره، کېچه یونامانینگ باميانده‌گی آفیسی خوفسیزلیک مسوولی کریم کریمي بۉلگن اتوموبیل ولایت مرکزیده اۉققه توتیلگن.
اوشبو خبرگه کۉره، جناب کریمي هجومده جراحتلنمه‌گن.
مذکور هجوم طالبانگه قرشی ایکّی جبهه افغانستانده‌گی دیپلوماتیک وکالت‌خانه‌لر، جمله‌دن، بمتگه قرشی اویوشگن تهدید یوز بېریشی ممکنلیگی حقیده آگاهلنتیرگنیدن بیر نېچه کون اۉتیب صادر بۉلگن.
«افغانستان ملي قرشیلیک جبهه» و «افغانستان آزادلیک فرونت جبهه‌سی» نینگ بیلدیریشیچه، «آلینگن معلوماتلرگه کۉره، طالبلرنینگ خوفسیزلیک توزیلمه‌لری ایچیده‌گی یاکه اولر بیلن باغلیق اَیریم عنصرلر اېکسترېمیستیک ترماقلر و اَیریم خارجي دایره‌لر بیلن موافقلشگن حالده افغانستانده‌گی خلق‌ارا منفعتلر و تشکیلاتلرگه قرشی هجوملرنی رېجه‌لشتیریش همده عملگه آشیریشگه اورینیشی ممکن».
اوشبو ایکّی فرونت جبهه «بونده‌ی هجوملرنی عملگه آشیرووچیلر اۉزلری‌نینگ اصل شخصی و مقصدلرینی یشیریش اوچون داعش نامی یاکه ساخته و چلغیتووچی ناملردن فایده‌لنیشی ممکن»، دېب ایتگن.
اوشبو جبهه‌لر نینگ آگاهلنتیریشی اعلان قیلینیشیدن آلدین طالبلر ایچکی ایشلر وزیرلیگی «افغانستان ملي قرشیلیک فرونت‌جبهه‌سی» نینگ تۉرت نفر اعضاسینی حبسگه آلگنینی معلوم قیلگن اېدی. وزیرلیک نینگ ایتیشیچه، بو شخصلر، جمله‌دن، بیرلشگن ملتلر تشکیلاتی‌نینگ افغانستانده‌گی یاردم اداره‌سی (یوناما) اداره‌سیگه هجوم قیلیشنی رېجه‌لشتیرگن.
«افغانستان ملي قرشیلیک فرونت جبهه‌سی» طالبلر تامانیدن اۉز اعضالری حبسگه آلینگنینی رد اېتیب، بونی «خارجي تشکیلاتلرگه قرشی هجومنی عیناً اوشبو گروه‌نینگ اۉزی عملگه آشیریشی اوچون تیارلنگن فتنه، پراپه‌گنده و شرایط یره‌تیش» دېب بهاله‌گن.
