امریکا نمایندهلر مجلسینینگ ایکّی کیشی دموکرات وکیلی جمهوریتچیلر مجلسی رهبرلرینی چېتلب اۉتیب، افغانستانلیکلر اوچون وقتینچهلیک حمایه مقامی (تیپیسی) مسألهسینی آوازگه قۉییشگه اورینماقده.
انبیسی نیوز خبریگه کۉره، اوشبو ایکّی وکیل دوشنبه کونی (۱۸ عقرب) کانگرس واشنگتنگه قَیتگنیدن سۉنگ «بۉشهتیش تۉغریسیدهگی ایستک» (Discharge Petition) دېب ناملنگن مراجعتنی تقدیم اېتگن.
کالرادو ایالتیدن دموکرات وکیل جیسون کرو و کَلفورنیا ایالتیدن دموکرات وکیل وسام لیکاردو اوشبو موضوعنی رۉیخطدن اۉتکزگن.
اولر ایلگری سورهیاتگن قانون لایحهسینی کۉریب چیقیش جریانینی باشلش اوچون ایستک وکیللر مجلسی نینگ ۲۱۸ نفر اعضاسی تامانیدن امضالنیشی کېرهک. اوشبو قانون لایحهسی افغانستانلیک باشپناه ایزلاوچیلرگه ۲۰۲۹-ییل اۉرتهلریگچه امریکادن دېپورت قیلینیشدن حمایهلنیش امکانینی بېرهدی.
۱۹۹۰-ییلده کانگرس تامانیدن تشکیل اېتیلگن وقتینچهلیک حمایه مقامی (تیپیسی) امریکا ایچکی خوفسیزلیک وزیرلیگی نظارتیدهگی دستور بۉلیب، کېلیب چیقیش مملکتلری خوفسیز بۉلمهگن دېب اعلان قیلینگن مهاجرلرگه امریکاده کۉپی بیلن ۱۸ آی یشش و ایشلش امکانینی بېرهدی. اوشبو مدت اوزهیتیریلیشی هم ممکن.
دونالد ترامپ ادارهسی ۲۰۲۵-ییل می آییده افغانستان فقرالری اوچون وقتینچهلیک حمایه مقامینی بېکار قیلگن اېدی. جوبایدین نینگ اوّلگی ادارهسی ۲۰۲۲-ییلده افغانستانلیکلرگه اوشبو مقامنی بېرگن اېدی.
اۉشه پیتدهگی امریکا ایچکی خوفسیزلیک وزیری کریستی ناېم شوندهی دېگن اېدی: «اوشبو مأموریت وقتینچهلیک حمایه مقامینی اونینگ اصل مقصدی — وقتینچهلیک بۉلیشیگه قَیترماقده».
او ینه قۉشیمچه قیلگن اېدی: «افغانستاندهگی خوفسیزلیک وضعیتی یخشیلندی و برقرارلشیش یۉلیده کېتهیاتگن مملکت اقتصادیاتی اېندی اولر نینگ اۉز یورتلریگه قَیتیشیگه تۉسقینلیک قیلمهیدی».
ترامپ ادارهسی یقینده اۉنلب افغانستانلیک مهاجر و باشپناه ایزلاوچیلرنی پاکستانگه دېپورت قیلیشنی رېجهلشتیرگن بیر پیتده، اۉتگن هفته فدرال محکمه اوشبو حرکتنی وقتینچه توختهتدی.
کیرو ولیکاردو ضرور بۉلگن ۲۱۸ ته امضانی توپلش اوچون وکیللر مجلسی برچه عملدهگی دموکراتلر همده بیر قطار جمهوریتچیلر وکیللری نینگ قۉللب-قوّتلشیگه محتاج.
امریکا اوردوسی نینگ عراق و افغانستاندهگی دېسانتچی و مخصوص رېیدچیلر بۉلینمهسی اعضاسی صفتیده خدمت قیلگن جیسون کرو بیاناتیده شوندهی دېدی: «افغانستانلیک همکارلریمیز مېن کبی امریکا حربيلرینی حمایه قیلیشگه یاردم بېریش اوچون اۉز حیاتلرینی خوف آستیگه قۉیگن».
او ینه شوندهی دېدی: «مېن حاضر امریکاده یشهیاتگن افغانستانلیکلرنی حمایه قیلیش اوچون اوشبو قانون لایحهسینی آوازگه قۉییش جریانینی باشلشگه حرکت قیلیهپمن. چونکه مملکتیمیز بو جسور افغانستانلیکلرنی تشلب کېتیشیگه و اولرنی حمایهسیز قالدیریشیگه یۉل قۉیمهیمن».
اگر کرو و لیکردو ۲۱۸ ته امضا توپلشگه موفق بۉلسه، وکیللر مجلسیدهگی جمهوریتچیلر رهبریتی «افغانستان اوچون وقتینچهلیک حمایه مقامی تۉغریسیدهگی قانون» (Afghanistan TPS Act) لایحهسینی مجلسده آوازگه قۉییشگه مجبور بۉلهدی.
حاضرده اوشبو قانون لایحهسینی تۉرت کیشی جمهوریتچی وکیل هم قۉللب-قوّتلهماقده. اولر نباراسکا شتاتیدن دان بېکان، فلوریدا شتاتیدن نبراسکا، ماریا الویرا سالازار جو ویلسون کارولینای جَنوبي کرالینا ایالتیدن جو ویلسون و تگزاس ایالتیدن مورگان لوتِرل.
شونینگدېک، کلفورنیادن بۉلگن، اوّل جمهوریتچی صفتیده فعالیت یوریتگن و حاضر مستقل وکیل حسابلنگن کېوین کایلی هم اوشبو قانون لایحهسینی قۉللب-قوّتلهگن.
سام لیکاردو شوندهی دېدی: «مینگلب افغانستانلیکلر امریکا حربيلری بیلن بیر صفده توریب، اۉز حیاتلرینی خوف آستیگه قۉیدی. چونکه مملکتیمیز اولرگه بیر وعده بېرگن اېدی: بیز اولرنی تشلب کېتمهیمیز. اېندیلیکده اولرنی اۉزلری بیزگه قرشی کورهشیشده یاردم بېرگن طالبان کوچلری قۉلیگه قَیتریب تاپشیریش خوفی موجود. بو مسألهنی دموکراتلر کۉپچیلیکنی قۉلگه کیریتگونیگه قدَر کېچیکتیریب بۉلمهیدی».
اوشبو قانون لایحهسینی ۵۰ دن آرتیق تشکیلات قۉللب-قوّتلهماقده. اولر آرهسیده امریکا نینگ عراق و افغانستاندهگی اوروش فخريلری تشکیلاتی، خارجي اوروشلر فخريلری تشکیلاتی همده خلقارا امنیستيه نینگ امریکادهگی بۉلیمی بار.
