رباب فاطمه: مرکزي ولایتلر اقلیم اۉزگریشی عاقبتیده یوزه‌گه کېلگن جدّي معمالرگه دوچ کېله‌یاتگنینی ایتدی

اطلاعات روز
Photo: Screengrab | UNAMA

بیرلشگن ملتلر تشکیلاتی‌نینگ افغانستانده‌گی یاردم اداره‌سی (یوناما) باشلیغی و بیرلشگن ملتلر تشکیلاتی‌ باش کاتبی‌نینگ مخصوص وکیلی رباب فاظمه جاري آی نینگ باشیده باميان ولایتیگه قیلگن سفری دوامیده‌ افغانستان‌نینگ مرکزي حدودلری اقلیم اۉزگریشی عاقبتیده یوزه‌گه کېلگن جدّي معمالرگه دوچ کېله‌یاتگنینی ایتدی.

خانیم فاطمه یوناما تامانیدن بوگون (چهارشنبه‌، ۲۰عقرب) کېچقورون نشر قیلینگن ویدیوده اوشبو حدودلرده سوو تنقیصلیگی اهالی دوچ کېله‌یاتگن اساسي معمالردن بیری اېکنینی تأکیدله‌دی.

اونینگ قۉشیمچه‌ قیلیشیچه، کۉپلب حدودلرده آستقورمه و ترانسپورت یۉللری نینگ حالتی یخشی اېمس. بو اېسه اهالی‌نینگ اساسي خدمتلردن فایده‌لنیشینی قیینلشتیرماقده.

یوناما باشلیغی‌نینگ ایتیشیچه، عیاللر و باله‌لر اېنگ عادي طبي خدمتلردن فایده‌لنیش اوچون هم کۉپینچه‌ آغیر شرایطلرده اوزاق مصافه‌لرنی باسیب اۉتیشگه مجبور.
باميان ولایت شفاخانه‌سیگه هم تشریف بویورگن فاطمه‌ نینگ تأکیدلشیچه، اوشبو شفاخانه‌ اهالیگه یخشی خدمت کۉرسه‌تماقده. بیراق باميان، اینیقسه‌، آلیس حدودلرده کۉپراق طبیات مرکزلری و کلینیکلرگه محتاج.
یوناما باشلیغی اوشبو ولایتده ساغلیقنی سقلش ساحه‌سیگه کۉپراق سرمایه‌ کیریتیش و طبي خدمتلرنی کېنگه‌یتیریش علیحده‌ اهمیتگه اېگه‌ اېکنینی تأکیدله‌دی.

او باميان اۉقووچیلری‌نینگ تعلیم آلیشگه بۉلگن اشتیاقی همده‌ عیاللر نینگ سودا-ساتیق ساحه‌سیده‌گی فعال اشتراکینی قووانرلی حالت دېب بهاله‌دی. شو بیلن بیرگه‌، قیزلر هم اۉغیل باله‌لر کبی تعلیم آلیش و حیات امکانیتلریدن تېنگ فایده‌لنیش حقوقیگه اېگه‌ بۉلیشی کېره‌کلیگینی قید اېتدی.

رباب فاطمه باميانگه سفرینی قیمتلی و یاقیملی تجربه‌ دېب اته‌ب، بیرلشگن ملتلر تشکیلاتی باميان اهالیسی تورموش شرایطی و فراوانلیگینی یخشیلش همده‌ رواجلنیش جریانینی قۉللب-قوّتلشده دوام اېتیشگه صادق اېکنینی بیلدیردی.

بو رباب فاطمه‌‌نینگ یوناما باشلیغی صفتیده افغانستان ولایتلریدن بیریگه قیلگن ایکّینچی سفری حسابلنه‌دی. او بوندن اوّل مملکت شرقیده‌گی ننگرهار ولایتیگه باریب، او یېرده‌گی خدمتلر کۉرسه‌تیش حالتینی، خصوصاً، پاکستاندن قَیتگن مهاجرلر نینگ احوالینی اۉرگنگن اېدی.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه