عراق باش وزیری تۉقّیز کیشی اداری مسوولنی لوازمیدن چېتله‌تیش تۉغریسیده قرار چیقردی

اطلاعات روز
photo: Iraqi Prime Minister Media Office / @IraqiPMO / X

عراق باش وزیری علی‌زیدی «جرف‌النصر» منطقه‌سیده نفت نینگ اویوشگن حالده ناقانوني آلیب چیقیب کېتیلگنی حقیده‌گی خبرلر تصدیقلنگنیدن سۉنگ، تۉقّیز نفر خوفسیزلیک و مأموري اداره‌ مسوولینی لوازمیدن آزاد اېتیش تۉغریسیده قرار چیقردی.

شونینگدېک، مذکور ایشگه علاقه‌دار برچه‌ گمانلنووچیلرنی محکمه اۉرگانلریگه تاپشیریشنی بویوردی.

عراق‌نینگ رسمي اخبارات آژانسی خبریگه کۉره‌، اوشبو منصبدار شخصلرنی بیر وقت‌نینگ اۉزیده لوازمیدن آزاد اېتیش حقیده‌گی قرار شنبه‌ کونی (۲۳ عقرب) بغدادده اۉتکزیلگن فوق العاده‌ خوفسیزلیک ییغیلیشیدن سۉنگ قبول قیلینگن. ییغیلیشده بابل ولایتیده نفت قاچاقی بیلن باغلیق تېرگاو کمیته‌سی نینگ خلاصه‌لری کۉریب چیقیلگن.

لوازمیدن آزاد اېتیلگنلر آره‌سیده بابل ولایتی پولیس باشلیغی، شمالي بابل پولیس رهبری، اوشبو ولایتده‌گی خلق سفربرلیک کوچلری قوماندانی، استخبارات و ملي خوفسیزلیک اداره‌لری رهبرلری، انرژی پولیسی نینگ آلتینچی تیپ قوماندانی همده‌ عراق نفت وزیرلیگیگه قره‌شلی نفت قووورلری کمپنیسی مدیری بار.

عراق قوراللی کوچلری باش قوماندانی مطبوعات سوزلاوچیسی‌ صباح نعمان‌نینگ ایتیشیچه، مذکور کمیته‌ فدرا‌ل استخبارات خدمتی تامانیدن تقدیم اېتیلگن نفت قاچاقی حقیده‌گی معلوماتلرنی، جمله‌دن، «نفتنی قَیته ایشلش (فابریکه)لری موجودلیگی و بو ساحه‌ده قانون‌بوزرلیکلرگه یۉل قۉییلگنی» حقیده‌گی خبرلرنی تصدیقله‌گن.

نفت قاچاقی عملگه آشیریلگن «جرف‌النصر» حدودی ایران تامانیدن قۉللب-قوّتلنه‌دیگن قوراللی گروهلردن بیری«کتائب حزب‌الله» نینگ تأثیر دایره‌سیده‌گی حدودلردن حسابلنه‌دی.

«الجزیره‌» تلویزیونی خبریگه کۉره‌، ییتکرمه‌لر قۉلیگه توشگن ۱۹ صحیفه‌لیک استخبارات حساباتیده اوشبو حدودده‌گی شبهه‌لی نفت قاچاقی فعالیتی کمیده ۲۰۲۱ ییلدن بویان دوام اېتیب کېله‌یاتگنی قید اېتیلگن.

گزارش‌ده صنعي یۉلداش تصویرلری و ییریک نفت تشووچی سیستېرنه‌لر نینگ حرکتیگه اساسلنیب، نفت قووورلریدن ناقانوني روشده نفت آلینه‌یاتگنی همده‌ اونینگ قاره‌ بازارده ساتیش اوچون تشیب کېتیله‌یاتگنی ایتیلگن.

«الجزیره‌» اوشبو ناقانوني ترماق نینگ آیلیک درآمدینی ۳۰میلیون دالرگچه دېب بهاله‌گن.

عینِ پیتده عراق پارلمانی مملکت نفتی نینگ افغانستانگه آلیب اۉتیلیشی بیلن باغلیق علیحده‌ قاچاقی یۉنه‌لیشینی هم اۉرگنماقده.

عراق پارلمانی رئیسی دېوانی اۉتگن هفته‌ اعلان قیلگن بیاناتیده، استخبارات معلوماتلریگه کۉره‌، کرکوک نفت کانلری و کردستان منطقه‌سیدن ایران آرقه‌لی افغانستانگه نفت تشیله‌یاتگنی حقیده دېپوتاتلرگه معلومات بېریلگنینی بیلدیرگن.

عراق پارلمانی اوشبو مسأله‌نی اۉرگنیش اوچون وقتینچه‌لیک کمیته‌ توزگن. حاضرچه تشیب کېتیلگن نفت حجمی، بو ایشگه علاقه‌دار شخصلر و مذکور ترماق نینگ درآمدی حقیده باتفصیل معلومات بېریلمه‌گن.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه