بیرلشگن ملتلر افغانستانده‌گی احتیاجمند اهالیگه یاردم بېریش اوچون ۱۸میلیون دالر اجره‌تدی

اطلاعات روز
Photo: OCHA

بیرلشگن ملتلر تشکیلاتی باش کاتبی‌نینگ انسان پرورلیک مسأله‌لر بۉییچه‌ اۉرین‌باسری و فوق العاده‌ یاردم مدیری تام فلچر افغانستانده‌گی احتیاجمند اهالینی قۉللب-قوّتلش اوچون بیرلشگن ملتلر تشکیلاتی‌ فوق العاده‌ وضعیتلرگه جواب بېریش مرکزي جمغرمه‌سیدن ۱۸میلیون دالر اجره‌تدی.

بیرلشگن ملتلر تشکیلاتی‌نینگ گومانیتار یاردمنی موافقلشتیریش اداره‌سی (اوچا) بوگون (سه‌شنبه‌، ۲۶ عقرب) نشر قیلگن بیاناتیده اوشبو مبلغ افغانستان‌ده آغیر گومانیتار احتیاجلرگه دوچ کېله‌یاتگن قریب ۸۲۴ مینگ کیشینی قۉللب-قوّتلش اوچون اجره‌تیلگنینی بیلدیرگن.

اوچانینگ قۉشیمچه‌ قیلیشیچه، بو مبلغ عایله‌لر کوچه‌ییب باره‌یاتگن اقتصادي باسیم، آزیق-طعام تنقیصلیگی، قیش و قورغاقچیلیک موسمی خوفلری بیلن یوزمه-یوز کېله‌یاتگن بیر پیتده اجره‌تیلگن.

بیاناتگه کۉره‌، اوشبو مبلغ آزیق-طعام خوفسیزلیگی و قیشلاق خۉجه‌لیگی، ساغلیقنی سقلش، آزیقلنیش، حمایه‌، باش‌پناه‌، سوو تأمیناتی ساحه‌لریده‌گی یېتّی لایحه‌نی مالیه‌لشتیریشگه یۉنه‌لتیریله‌دی.

مذکور تشکیلات نینگ تأکیدلشیچه، مبلغ نینگ اساسي مقصدی عایله‌لرنینگ شاشیلینچ احتیاجلرینی قاندیریش و مهم‌ خدمتلر اوزلوکسیزلیگینی تأمینلش آرقه‌لی آلدینی آلیش ممکن بۉلگن اۉلیم، کسللیک و حمایه‌ بیلن باغلیق خوفلرنینگ آلدینی آلیشدیر. بو، اینیقسه‌، احتیاجلر کېسکین بۉلگن، یاردم یېتکزیب بېریشده اوزیلیشلر کوزه‌تیله‌یاتگن و موسمي خوفلر بیر-بیریگه تۉغری کېله‌یاتگن حدودلرگه تعلقلیدیر.

اوچانینگ افغانستانده‌گی وکالت‌خانه‌سی رهبری برونو لمارکی نینگ ایتیشیچه، حاضرده اېنگ عادي احتیاجلرینی قاندیریشگه قیینه‌له‌یاتگن عایله‌لر اوچون یقینلشیب کېله‌یاتگن قیش قۉشیمچه‌ قیینچیلیکلرنی یوزه‌گه کېلتیره‌دی.

«بیز شرایط ینه‌ده آغیرلشیشیدن آلدین آدملرنینگ آزیق-طعام، طبي یاردم، تازه‌ سوو و حمایه‌ خدمتلریدن فایده‌لنیش امکانیتیگه اېگه‌ بۉلیشینی تأمینلشیمیز کېره‌ک»، دېگن او.

اونینگ قۉشیمچه‌ قیلیشیچه، اوشبو مبلغ انسان پرورلیک همکارلرگه اېنگ کتّه‌ خوف آستیده قالگن جماعه‌لرگه یاردم یېتکزیش امکانینی بېره‌دی. شو بیلن بیرگه‌، یاردملر موافقلشتیریلگن حالده کۉرسه‌تیلیشی همده‌ ملي و محلي تشکیلاتلر، جمله‌دن، عیاللر باشچیلیگیده‌گی گروهلر هم اۉزی نینگ مهم‌ فعالیتینی دوام اېتتیره آلیشی ضرور.

اوچا بیاناتیده ایتیلیشیچه، اوشبو یاردمنی یېتکزیشده ملي و محلي تشکیلاتلر مهم‌ رۉل اۉینه‌یدی. یاردم کۉرسه‌تیشده ضعیف قتلمگه منسوب قَیتیب کېلگنلر، ایچکی کۉچیریلگنلر و مېزبان جماعه‌لرگه، اینیقسه‌، عیاللر و قیزلر، باله‌لر، کېکسه‌لر همده‌ معلوللیگی بۉلگن شخصلرگه اوستوار اهمیت بېریله‌دی.

تشکیلات‌نینگ قۉشیمچه‌ قیلیشیچه، بو مبلغ عمومي قیمتی ۴۸ میلیون دالر بۉلگن کېنگراق و موافقلشتیریلگن یاردم دستوری نینگ بیر قِسمی بۉلیب، دستور افغانستان انسان پرورلیک جمغرمه‌سیدن اجره‌تیله‌دیگن ینه‌ ۳۰ میلیون دالر بیلن تۉلدیریله‌دی.

اوچا معلوماتیگه کۉره‌، بیرلشگن ملتلر تشکیلاتی‌نینگ فوق العاده‌ وضعیتلرگه جواب بېریش مرکزي جمغرمه‌سیدن اجره‌تیلگن مبلغ بمت اگېنتلیکلری فعالیتی، ضروري واسطه‌لر و حیاتي مهم‌ خدمتلرنی قۉللب-قوّتله‌یدی. افغانستان گومانیتار جمغرمه‌سی اېسه گومانیتار همکار تشکیلاتلرگه قیش موسمیگه تیارگرلیک کۉریش، یاردم کۉرسه‌تیشده‌گی دالضرب بۉشلیقلرنی برطرف اېتیش و حادثه‌ عاقبتیده یوزه‌گه کېلیشی ممکن بۉلگن خوفلرنی کمه‌یتیریش بۉییچه‌ دستلبکی چاره‌لرنی عملگه آشیریش اوچون تۉغریدن-تۉغری مبلغ اجره‌ته‌دی.

بو آره‌ده، افغانستان‌ده جاري ییلده عملگه آشیریله‌یاتگن گومانیتار یاردم دستوری جدّي مالیوي تقچیللیککه دوچ کېلماقده.

اوچا جاري ییلده افغانستانده‌گی ۱۷.۵میلیون کیشی ضعیف قتلم وکیلیگه یاردم کۉرسه‌تیش اوچون ۱.۷میلیارد دالر مبلغ سۉره‌گن اېدی.
بیراق حاضرگچه اوشبو مبلغ‌نینگ اتیگی ۳۳.۸۸ فایزی تأمینلنگن.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه