غزنی ولایتیدهگی طالبلرنینگ امنیه قوماندانلیگی ۱۲ یاشلی بالهنینگ جسدی او بېدرَک یۉقالگنیدن تۉرت کون اۉتیب، تاغلی حدوددن تاپیلگنینی اَیتماقده.
غزنی ملي رادیو و تلویزیونی طالبلر امنیه قوماندانلیگیگه تهیهنیب خبر بېریشیچه، بالهنینگ جسدی تیناوون (سهشنبه، ۲۶ عقرب) تاپیلگن.
بو باله غزنی ولایتی نینگ گیرا اواسواللیگیده «علیخیل» قیشلاغیده یشگن و شنبه کونی بېدرَک یۉقالگن اېدی.
طالبلر امنیتی مسووللری اوشبو حادثه بیلن باغلیق بیر کیشینی «گمانلنووچی» صفتیده قۉلگه آلگنینی بیلدیرگن.
غزنی ولایتیدهگی طالبلر خوفسیزلیک قوماندانلیگی دستلبکی تېکشیروولر اوشبو حادثه محلي شخصي کېلیشماوچیلیکلر سببلی صادر بۉلگن بۉلیشی ممکنلیگینی ایتگن.
قاتللیک نینگ اساسي سببینی انیقلش بۉییچه تېرگاو دوام اېتماقده.
