افغانستان اسلامي وحدت حزبی: طالبلرنینگ مذهبي خیلمه-خیللیکنی انکار اېتیشی ملي بیرلیککه ضرر یېتکزه‌دی

اطلاعات روز

افغانستان اسلامي وحدت حزبی طالبلر رهبری هبت‌الله آخوندزاده‌ نینگ بیاناتلریگه مناسبت بیلدیریب، افغانستان خلقی اۉرته‌سیده‌گی مذهبي خیلمه-خیللیکنی انکار اېتیش همده‌ اېتنیک و دیني کمسیتیشلرنی کوچه‌یتیریش ملي بیرلیکنی مستحکملشگه خدمت قیلمسلیگینی، عکسینچه‌، ایشانچسیزلیک، اجتماعي بۉلینیش و ملي نزاعلرنی ینه‌ده کېنگه‌یتیریب، چوقورلشتیریشینی تأکیدله‌دی.

مذکور حزب بیانات نشر قیلیب، اونده «افغانستان‌نینگ برچه‌ اهالیسیگه بیرته‌ مذهبنی نسبت بېریش مملکت یشاوچیلری‌نینگ اَیریم قتلملری اۉزلیگی و اعتقادینی انکار اېتیش، شونینگدېک، تاریخي و اجتماعي حقیقتلرنی اعتبارسیز قالدیریشدیر»، دېب تأکیدله‌گن.

طالبلر رهبری هبت‌الله آخوندزاده تیناوون کابل بیلیم یورتیده سۉزله‌گن نطقیده افغانستان‌نینگ برچه‌ اهالیسی حنفی مذهبیگه اعتقاد قیلیشینی ایتگن اېدی. بوندن آلدین طالبلر نینگ عالي تحصیلات وزیری هم افغانستانده فقط بیرته‌ مذهب بارلیگی، او هم حنفی مذهبی اېکنینی بیلدیرگن اېدی.

افغانستان اسلامي وحدت حزبی نینگ اوشبو بیاناتیده شونده‌ی دېییله‌دی: «افغانستان تورلی-تومن تاریخي و اجتماعي اۉتمیشگه اېگه‌ مملکت بۉلیب، اونده حنفی جعفري، اسماعیلي و شافیعی مذهبلری، شونینگدېک، سَلفيلر کبی باشقه‌ اعتقادي یۉنه‌لیشلر وکیللری همده‌ هندولر و سیکار کبی دیني آزچیلیکلر مملکت نینگ تاریخي، مدني و اجتماعي واقعلیگی‌نینگ بیر قِسمینی تشکیل اېته‌دی».

حزب قۉشیمچه‌ قیلیشیچه: «مذهبي و دیني خیلمه-خیللیک، خودّی اېتنیک و تیل خیلمه-خیللیگی کبی، افغانستان تاریخي اۉزلیگی‌نینگ اجره‌لمس قِسمیدیر. شو باعث مملکت‌نینگ برچه‌ اهالیسیگه بیرته‌ مذهبنی نسبت بېریش مدنی نینگ اَیریم قتلملری اۉزلیگی و اعتقادینی انکار اېتیش، تاریخي و اجتماعي حقیقتلرنی اعتبارسیز قالدیریشدیر».

افغانستان اسلامي وحدت حزبی‌نینگ تأکیدلشیچه، «حتا افغانستان اهالیسی.نینگ اکثریتی حنفی مذهبیگه اعتقاد قیلگن تقدیرده هم، بیر مذهب‌نینگ کۉپچیلیکنی تشکیل اېتیشی هېچ بیر شخص یاکه گروهگه باشقه‌ فقرالر نینگ دیني حقوق و اېرکینلیکلرینی انکار اېتیش یاکه اۉز دیني قره‌شلرینی بوتون جمعیتگه مجبورن سینگدیریش حقوقینی بېرمه‌یدی».

حزب فکریچه، فقرالرنینگ دیني حقوق و اېرکینلیکلری هر بیر مذهب ایزداشلری نینگ سانیدن قطع نظر، حرمت قیلینیشی و حمایه‌ اېتیلیشی کېره‌ک. هېچ کیم دیني کۉپچیلیککه ته‌یه‌نیب، باشقه‌ مذهبلر نینگ اۉزلیگی و موجودلیگینی انکار اېتیش یاکه اولرنی جمعیتدن چېتله‌تیشگه حقلی اېمس.

افغانستان اسلامي وحدت حزبی ینه‌ شونده‌ی دېیدی: «بو بیاناتلرنی طالبلرنینگ افغانستان هزاره‌لری و شیعه‌لریگه نسبتاً آلیب باره‌یاتگن سیاستی و عملي حرکتلریدن علیحده‌ بهالب بۉلمه‌یدی».

حزب بیاناتیگه کۉره‌، «مملکتده‌گی هزاره‌لر و شیعه‌لر جمعیتی طالبلر حکمرانلیگی دوریده سیاسي، اجتماعي و مدني ساحه‌لردن چېتلشتیریلگن همده‌ کېنگ کۉلملی چېکلاو و کمسیتیشلرگه دچار بۉلگن».

طالبلر تامانیدن هرات و باميان ولایتلریده اَیریم شیعه‌ علمالری‌نینگ حبسگه آلینیشی همده‌ افغانستان‌نینگ برچه‌ اهالیسی حنفی مذهبیگه منسوبلیگی حقیده‌گی دعوالرگه اشاره‌ قیلگن حزب قوییده‌گی سوالنی اۉرته‌گه تشله‌گن: «بو بیاناتلر شیعه‌لرنینگ دیني اۉزلیگینی انکار اېتیش و اولر نینگ افغانستان جمعیتیده‌گی اشتراکی همده‌ فعالیتیگه تۉسقینلیک قیلیشگه قره‌تیلگن اورینیشلر نینگ بیر قِسمی اېمسمی؟»

افغانستان اسلامي وحدت حزبی خلق‌ارا همجعیت، بیرلشگن ملتلر تشکیلاتی، خلق‌ارا انسان حقوقلری تشکیلاتلری و دنیا نینگ تأثیرچن دولتلرینی «طالبلر نینگ اېتنیک و دیني کمسیتیش سیاستیگه نسبتاً سکوت سقله‌مسلیککه، انیق موضوع بیلدیریش و ثمره‌لی چاره‌لر کۉریش آرقه‌لی افغانستان نینگ برچه‌ فقرالری، خصوصاً، کمسیتیش و جمعیتدن چېتله‌تیلیش خوفی آستیده بۉلگن جماعه‌لرنینگ حقوقلری، دیني اېرکینلیکلری همده‌ تاریخي و مدني اۉزلیگینی حمایه‌ قیلیشگه» چقیرگن.

طالبلر افغانستانده حاکمیتنی قَیته اېگه‌له‌گنیدن بویان شیعه‌لرگه نسبتاً دیني کمسیتیشلرنی عملگه آشیریشده کېنگ کۉلمده عیبلنیب کېلماقده.

بو گروه بیر قطار شیعه‌ دیني مؤسسه‌لرینی یاپگن، شونینگدېک، شیعه‌لرنینگ دیني فعالیتی و محرّم آییده‌گی ماتم مراسملریگه نسبتاً کېنگ کۉلملی چېکلاولر جاري اېتگن.

از روزنامه‌نگاری مستقل حمایت کنید

محدودیت‌های گسترده بر رسانه‌ها و فضای عمومی در افغانستان، دسترسی شهروندان به اطلاعات مستقل را محدود کرده است. در چنین شرایطی، «اطلاعات روز» متعهدانه و مستقل به کار خود ادامه می‌دهد تا حقیقت قربانی خاموشی و فراموشی نشود.

ما وابسته به هیچ قدرتی نیستیم و تنها برای مردم می‌نویسیم.

مأموریت ما افشای فساد، بازتاب صدای سرکوب‌شدگان، تقویت پاسخگویی صاحبان قدرت، و پشتیبانی از چشم‌اندازی است که در آن همه شهروندان افغانستان از حقوق و آزادی‌های برابر برخوردار باشند و در صلح زندگی کنند.

خبرنگاران ما در شرایط دشوار و گاه خطرناک فعالیت می‌کنند تا گزارش‌های دقیق، منصفانه و مبتنی بر واقعیت منتشر شود و روایت‌های مردم به حاشیه رانده نشود. تداوم این کار، به حمایت مخاطبان و حامیان مستقل وابسته است.

هر کمک، فارغ از میزان آن، به ادامه روزنامه‌نگاری مستقل کمک می‌کند. اگر امکان کمک مالی ندارید، همرسانی این درخواست و تشویق دیگران به حمایت نیز سهمی مهم در تقویت این مسیر دارد.

در کنار حقیقت بایستید
از اطلاعات روز حمایت کنید

برای حمایت اینجا کلیک کنید
بو مقاله نی اوله شینگ
بدون دیدگاه