قطر تشقی ایشلر وزیرلیگینینگ معلوم قیلیشیچه، اوشبو وزیرلیکنینگ مخصوص وکیلی جاسم الاسماخ بریتانیانینگ افغانستان بۉییچه مخصوص نمایندهسی ریچارد لیندسی بیلن دوحهده اوچرهشیب، مذاکرهلر اۉتکزگن.
مذکور وزیرلیک بوگون (چهارشنبه، ۲۷ عقرب) بېرگن بیاناتیده، اوچرهشوو دوامیده «قطر و بریتانیا حکومتلری اۉرتهسیدهگی ایکّی تامانلهمه همکارلیک، شونینگدېک، افغانستاندهگی سۉنگگی اۉزگریشلر محاکمه قیلینگنینی» بیلدیرگن.
قطر تشقی ایشلر وزیرلیگی اوشبو اوچرهشوو و اونده محاکمه قیلینگن مسألهلر یوزهسیدن باتفصیل معلومات بېرمهگن.
یقینده کابلگه هم تشریف بویورگن بریتانیا مخصوص وکیلی مملکتدهگی وضعیت یوزهسیدن کابل، اسلام آباد و دوحهده تورلی دولتلر وکیللری بیلن مذاکرهلر آلیب بارگن. بیراق اوشبو مذاکرهلر نینگ انیق تفصیلاتلری اعلان قیلینمهگن.
او، شونینگدېک، یقینده طالبلر باش وزیری دفتری باشلیغی بیلن تېلفون آرقهلی گپلشگن.
طالبلر باش وزیری دفترینینگ دعوا قیلیشیچه، اوشبو تېلفون صحبتی دوامیده بریتانیا وکیلی مملکتی نینگ طالبلر و پاکستان اۉرتهسیده واسطهچیلیک قیلیشگه تیارلیگینی بیلدیرگن.
