سویسنینگ اسلامآباددهگی اېلچیسی استفان ری، پاکستاننینگ افغانستان بۉییچه مخصوص وکیلی محمد صادق بیلن اوچرهشیب، مذاکرهلر اۉتکزدی.
سویسینگ پاکستاندهگی اېلچیخانهسی ایکس اجتماعي ترماغیده نشر قیلگن پُستیده یازیشیچه، اوچرهشوو بوگون (جمعه ۲۹ عقرب) اسلام آباد شهریده بۉلیب اۉتگن. اونده تامانلر افغانستاندهگی واقعهلر رواجی و منطقوي برقرارلیک مسألهلری یوزهسیدن فکر المشگن.
اېلچیخانهنینگ معلوم قیلیشیچه، تامانلر انسانی مسألهلرنی باشقریشنی کوچهیتیریش، افغان قاچقینلرینینگ احوالیگه اعتبار قرهتیش همده «افغانستان قاچقینلری اوچون یېچیملر استراتیژيسی»نی ایلگری سوریش یۉللرینی هم بحث قیلگن.
پاکستاننینگ افغانستان بۉییچه مخصوص وکیلی محمد صادق هم اوشبو اوچرهشوونی تصدیقلب، اونده اۉزارا منفعتلی مسألهلر، منطقهدهگی جاري واقعهلر و افغانستان فقرالری بیلن باغلیق گومانیتار معمالر محاکمه قیلینگنینی ایتگن.
بو حالت پاکستان و طالبلر اۉرتهسیدهگی کېسکینلیک کوچهیگن بیر پیتده یوز بېرماقده. پاکستان افغانستانلیک مهاجرلرنی مملکتدن چیقریب یوباریشنی جدللشتیرگن. بیرلشگن ملتلر تشکیلاتی معلوماتلریگه کۉره، ۲۰۲۳-ییلدن بویان پاکستان ۲.۵ میلیوندن آرتیق افغان مهاجرینی افغانستانگه دېپورت قیلگن.
