طالبلرنینگ کابلدهگی امنیه قوماندانلیگی اوشبو گروه کوچلری ۶ نفر گمانلنووچی اۉغرینی۱۰ ته اۉغیرلنگن موتر بیلن بیرگه قۉلگه آلگنینی معلوم قیلدی.
قوماندانلیک بوگون (یکشنبه، ۱۴-سرطان) اعلان قیلگن بیاناتده ایتیلیشیچه، گمانلنووچیلر طالبلرنینگ بېشینچی خوفسیزلیک حوزهسی خادملری تامانیدن قۉلگه آلینگن.
طالبلرنینگ کابلدهگی بېشینچی خوفسیزلیک حوزهسی باشلیغی حبیبالرحمن منیب نینگ ایتیشیچه، قۉلگه آلینگنلردن۱۰ ته موتردن تشقری بیرته تۉپّانچه، بیر جُفت کیشن و بیرته نیزه هم مصادره قیلینگن.
اونینگ قۉشیمچه قیلیشیچه، مصادره قیلینگن موترلر اۉز اېگهلریگه قَیتریلگن.
طالبلرنینگ کابلدهگی امنیه قوماندانلیگی ایکس اجتماعي ترماغیده نشر قیلگن ویدېوده اَیریم گمانلنووچیلرنینگ موتر اۉغریلیگی بۉییچه اقرارلیکلری هم عکس اېتگن. بیراق بو اقرارلیکلر قندهی شرایطده آلینگنی نامعلوم.
بو حبسلر مملکتنینگ تورلی ولایتلریده یشاوچی فقرالر سۉنگّی پیتلرده قوراللی تالانچیلیک و اۉغریلیک حالتلری کۉپهیگنیدن شکایت قیلهیاتگن بیر وقتده عملگه آشیریلدی.
بوندن تشقری، مملکتنینگ تورلی حدودلریده قوراللی باسقینچیلر تامانیدن آدملرنینگ اۉلدیریلیشی بیلن باغلیق بیر قطار حالتلر هم قید اېتیلگن.
