د یو شمیر ناروغانو پایوازان وایي، چې ورځ تر بلې د دوی د ناروغانو حالت په خرابېدو دی او په وینا یې که د تورخم د خلاصېدو په برخه کې اقدام ونه شي ناروغان به خپل ژوند له لاسه ورکړي.
په همدې حال کې پاکستان ته د درملنې په موخه تلوونکي ناروغان له ګڼو ستونزو سره مخ دي او له دواړو خواوو غوښتنه کوي، چې ژر تر ژره دې د دې ستونزې د حل لپاره اقدام وکړي.
پرلت وهونکی سميع الله وایي، د خپلو مشرانو او پرلت له لارې هڅه کوي چې غوښتنې یې ومنل شي، خو په وینا يې که د پاکستاني حکومت سره پایلې ته ونه رسیږي، نو د ښارونو دروازې به وتړي او په واټونو کې به یې لاريونونه پېل کړي.
پاکستانۍ رسنیو خبر ورکړی، چې تر هغې د پاکستان له لوري د ویزې اسانتیا برابریږي د تورخم دروازه به د مارچ تر وروستۍ نیټې پورې خلاصه وي.