طالبلر تشقی ایشلر وزیری امیرخان متقی ایران تشقی ایشلر وزیرلیگینینگ جَنوبي آسیا بۉلیمی باشلیغی محمد رضا بحرامي بیلن اوچرهشیب، مذاکره اۉتکزدی.
طالبلر تشقی ایشلر وزیرلیگی بوگون (دوشنبه، ۹-سنبله) نشر قیلگن بیاناتیده اوچرهشووده ایکّی تامانلهمه مناسبتلر و منطقهدهگی وضعیت محاکمه قیلینگنینی بیلدیردی.
امیرخان متقی طالبلر و ایران اۉرتهسیدهگی ایکّی تامانلهمه مناسبتلرنی رواجلنیش یۉلیده، دېب بهالب، تامانلر تورلی ساحهلردهگی موجود امکانیتلردن فایدهلنیشی ممکنلیگینی ایتگن.
طالبلر تشقی ایشلر وزیرلیگی بیاناتیگه کۉره، ایران تشقی ایشلر وزیرلیگی وکیلی هم طالبلر بیلن ایکّی تامانلهمه مناسبتلرنی ایجابي دېب بهالب، تورلی درجهلرده علاقهلر و مذاکرهلرنی دوام اېتتیریش مهملیگینی تأکیدلهگن.
طالبلر و ایران سۉنگگی بېش ییل دوامیده کېنگ قمراولی سیاسي و اقتصادي مناسبتلرگه اېگه بۉلیب کېلماقده.
امریکا و ایسرایلنینگ ایرانگه قرشی اوروشی باشلنگنیدن سۉنگ، طالبلر بو ایکّی دولتنینگ ایرانگه هجوملرینی «تجاوز» دېب اتهب، قارهلهگن.
شو بیلن بیرگه، گروه ایران اسلام انقلابی قۉریقچیلری نینگ فارس کۉرفزی ساحلیدهگی دولتلرگه قرشی هجوملرینی هم قارهلب، منطقهدهگی کېسکینلیکنی کمهیتیریشگه چقیرگن.
