طالبلرنینگ خوست ولایتیدهگی واليسی مطبوعات سۉزلاوچیسی مستغفر گربزنینگ ایتیشیچه، بو گروه کوچلری خاتینی و آلتی آیلیک قیزینی اۉلدیرگن اېرککنی حبسگه آلگن.
اونینگ سۉزلریگه کۉره، مذکور شخص اۉتگن هفته پنجشنبهگه اۉتر کېچهسی ساعت ۱۱:۰۰ لر اطرافیده اۉز اوییده کَلاشنیکوفدن فایدهلنیب، ۲۲ یاشلی خاتینی و آلتی آیلیک قیزینی آتیب اۉلدیرگن و واقعهدن سۉنگ حادثه جاییدن قاچیب کېتگن.
گربزنینگ یازیشیچه، حبسگه آلینگن شخص دستلبکی سۉراق پیتیده خاتینی و قیزینی اۉلدیرگنینی تن آلگن.
طالبلرنینگ خوستدهگی واليسی مطبوعات سۉزلاوچیسی قاتللیک سببلریگه انیقلیک کیریتمهگن.
اوّل هم شونگه اۉخشش حالتلر قید اېتیلگن بۉلیب، اولرگه سبب صفتیده عایلهوي زۉراورلیک، شونینگدېک، قشّاقلیک و ایشسیزلیک طفیلی یوزهگه کېلگن روحي باسیم کۉرسهتیلگن.
