«چېگره‌سیز خبرچیلر» تشکیلاتی مطبوعات اېرکینلیگی‌نینگ «دشمنلری» بۉلگن شخص و تشکیلاتلرنینگ ییللیک رۉیخطینی اعلان قیلدی. اونده ۳۳ کیشی و تشکیلات، جمله‌دن، طالبلر رهبری ملا هبت‌الله، امریکا جمهور رییسی دونالد ترامپ، روسیه جمهور رییسی ولادیمیر پوتین، ایکس ترماغی اېگه‌سی ایلان ماسک و «میتا» کمپنیسی (فیس‌بوک)ایگه‌سی ناملری هم بار.
«چېگره‌سیز خبرچیلر» اوشبو رۉیخطنی بوگون (دوشنبه، ۱۱ عقرب) «ژورنالیستلرگه قرشی جنایتلر اوچون جزاسیزلیککه برهم بېریش خلق‌ارا کونی» مناسبتی بیلن نشر قیلگن.
«چېگره‌سیز خبرچیلر» رۉیخطگه ۲۰۲۶-ییل دوامیده تورلی اصوللر، جمله‌دن، ژورنالیستلرنی تهدید قیلیش و حبسگه آلیش، زۉرآورلیک، حقوقي و اقتصادي باسیم همده ترغیبات آرقه‌لی مطبوعات اېرکینلیگی و مستقل ژنالیستیکه فعالیتینی چېکله‌گن، دېب حسابله‌گن ۳۳ کیشی و تشکیلات نامینی کیریتگن.
رۉیخط سیاسي، خوفسیزلیک، حقوقي، اقتصادي و اجتماعي بېش بۉلیمگه اجره‌تیلگن.
امریکا جمهور رییسی دونالد ترامپ ایلک بار اوشبو رۉیخطگه کیریتیلگن. «چېگره‌سیز خبرچیلر» تشکیلاتی‌نینگ ایتیشیچه، ترامپ جمهور رییسلیک‌نینگ ایکّینچی مدتینی باشله‌گنیدن بېری ییتکرمه‌گه قرشی هجوملرینی کېنگه‌یتیرگن و اۉز قره‌شلریگه ماس کېلمه‌یدیگن خبرلرنی ترقه‌ته‌دیگن رسانه‌نی قۉرقیتیش اوچون سیاسي حاکمیتدن فایده‌لنگن.
مذکور تشکیلات نینگ جهان مطبوعات اېرکینلیگی رېیتینگیده اقش ۱۸۰ دولت آره‌سیده ۶۴-ا‌ۉرینده توره‌دی.
سیاسي بۉلیم: ییتکرمه‌نی سکوتگه مجبورله‌یاتگن و چېکله‌یاتگنلر
طالبلر رهبری ملا هبت‌الله آخوندزاده؛ امریکا جمهور رئیسی دونالد ترامپ؛ روسيه جمهور رییسی ولادیمیر پوتین؛ آذربایجان پرزیدنتی الهام علی‌یف، بلاروس جمهور رییسی الکسندر لوکاشېنکا؛ نیکاراگوئه و موهوزی رهبرلری دانیل اورتگا و روزاریو موریو کاینروگاو راسه‌ریا موریللا همده اوگندا مدافعه کوچلری قوماندانی مهوزی ییتکرمه چېکله‌یاتگن و ژورنالیستلر آوازینی اۉچیره‌یاتگن سکّیز شخص صفتیده کۉرسه‌تیلگن.
خوفسیزلیک بۉلیمی: ژورنالیستلرنی حبسگه آله‌یاتگن یاکه اۉلدیره‌یاتگن شخص و تشکیلاتلر
«چېگره‌سیز خبرچیلر» سعوديه عربستانی ولیعهد شهزاده‌سی محمد بن سَلمان و مصر جمهور رییسی عبدالفتاح السیسینی ژورنالیستلرنی حبسگه آله‌یاتگن یاکه اۉلدیره‌یاتگن شخصلر قطاریگه کیریتگن.
اسرایل حربي کوچلری، چین کمونیستیک حزبی، مېکسیکوده‌گی «خالیسکو ینگی اولادی» کارتېلی و باشقه نرکوتیکل ، بورکینه-فساده‌گی حاکمیتنی باشقره‌یاتگن حربي کېنگش، کانگا دېموکرا‌تیک جمهوریتیده‌گی ام۲۳عصیانچی گروهی همده گوینېیه حربي رهبری مامادی دُمبویا نینگ ناملری هم اوشبو رۉیخطده بار.
«چېگره‌سیز خبرچیلر» تشکیلاتی نینگ ایتیشیچه، اسرایل کوچلری غزا، غربي ساحل و لبنانده ژورنالیستلرگه قرشی حرکت قیلگن. تشکیلات معلوماتیگه کۉره، غزه قریب ۲۲۰ نفر ژورنالیست هلاک بۉلگن و اولر نینگ ۶۰ نفردن آرتیغی بې‌واسطه کسبي فعالیتی بیلن باغلیق حالده اۉلدیریلگن. تشکیلات، شونینگدېک، چین‌ده ۱۱۱نفر ژورنالیست و مېدیا فعالی قماقده سقلنه‌یاتگنینی بیلدیرگن.
حقوقي بۉلیم: ژورنالیستلرگه باسیم اۉتکزیش اوچون قانوندن فایده‌لنیش
تورکيه پرزیدنتی رجب طیب اردغان؛ قازاغاستان جمهور رییسی قاسم-جومترت تاقېو؛ امریکا فدرا‌ل علاقه کمیسیونی رئیسی برېندن کرر؛ گانکانگ باش اجراچی رهبری جان لی کاچیو؛ روسيه نینگ علاقه ساحه‌سینی نظارت قیلووچی «راسکامنه‌دزار» تشکیلاتی همده هندستانده‌گی «ادانی» بیزنس گروهی «چېگره‌سیز خبرچیلر» تامانیدن ییتکرمه و ژورنالیستلر فعالیتینی چېکلش اوچون محکمه جریانلری و ترتیب-قاعده‌لردن فایده‌لنه‌یاتگن شخص و تشکیلاتلر صفتیده کۉرسه‌تیلگن.
اقتصادي بۉلیم: ییتکرمه مالیوي جهتدن ضعیفلشتیریش
«چېگره‌سیز خبرچیلر» مطبوعات اېرکینلیگینی چېکله‌یاتگن شخص و تشکیلاتلرنینگ ینگی رۉیخطیگه گوگاگل و یوتوبې اېگه‌سی «آلفابت» شرکتی؛ فیس‌بوک و انستاگرام اېگه‌سی «میتا»؛ گرجستان میلیاردر و سابق باش وزیر بیدزینا ایوانیشویلی روسيه‌لیک مېدیا مېنېجېر ولاهدیمیر تاباک؛ فرانسه‌لیک بیزنسمین وینسن باللارې همده کېنيا جمهور رییسی اویلیم روتا ناملرینی کیریتگن.
تشکیلات‌نینگ ایتیشیچه، ریکلام درآمدلریگه باسیم اۉتکزیش، جریمه‌لر و ییتکرمه‌گه اقتصادي تأثیر اۉتکزیش تحریریتلر نینگ مستقللیگینی ضعیفلشتیریب، سۉز اېرکینلیگینی چېکلشی ممکن.
اجتماعي بۉلیم: ژورنالیستلرنی آبروسیزلنتیریش و ایشانچسیزلیک یره‌تیش
ایکس ترماغی اېگه‌سی ایلان مسک؛ اسرایل‌نینگ «هانیست ریپورتینگ» تشکیلاتی؛ سلواکيا باش وزیری رابېرت فیکا؛ رییس‌جمهور آرژانتین خاوېر مِیلېی؛ روسيه نینگ آر‌تی ترماغی باش محرری مرگریته سیمانین؛ هندستان نینگ «اوپ‌ایندیا» مېدیا تشکیلاتی و بورکینا فاسونینگ تېزکار علاقه بۉلینمه‌سی اوشبو بۉلیمگه کیریتیلگن.
مطبوعات اېرکینلیگی دشمنلری رۉیخطیدن چیقریلگنلر
«چېگره‌سیز خبرچیلر» حساباتی نینگ یکونیده اۉتگن ییلگی رۉیخطدن تۉرت شخص چیقریلگنی حقیده معلوم قیلینگن.
امریکا و اسرایل تامانیدن اۉلدیریلگن اېران‌نینگ سابق رهبری علی خامنه‌ای؛ امریکا تامانیدن حبسگه آلینگن وینزویلانینگ سابق پرزیدنتی نیکالاس مادورا؛ مجارستان نینگ سابق باش وزیری ویکتار اوربان و صربستان الکساندر ووچ اېندیلیکده سۉز اېرکینلیگینی چېکلش امکانیتیگه اېگه بۉلمه‌گن شخصلر صفتیده رۉیخطدن چیقریلگن.
«چېگره‌سیز خبرچیلر» «مطبوعات اېرکینلیگی دشمنلری» رۉیخطی تۉلیق و مکمل اېمسلیگینی، بلکه تشکیلات نظریده ۲۰۲۶-ییلده مطبوعات اېرکینلیگینی مقصدلی روشده «ضعیفلشتیرگن» اَیریم شخص و تشکیلاتلرنی نمونه صفتیده کۉرسه‌تیشینی تأکیدله‌گن.
