بیرلشگن ملتلر تشکیلاتی‌نینگ ترقیات دستوری (یو‌ان‌دی‌پی) افغانستان‌ده ییلیگه ۲۲۰ گیگاواتدن آرتیق قویاش الکتر انرژیسی ایشلب چیقریش امکانیتی موجودلیگینی معلوم قیلدی.
اوشبو تشکیلات بوگون (سه‌شنبه، ۱۲عقرب) ایکس اجتماعي ترماغیده ویدیو نشر قیلیب، شونگه قره‌مه‌ی، افغانستان اۉزیگه ضرور بۉلگن برق انرژیسی‌نینگ ۸۰ فایزدن آرتیغینی ایمپورت قیلیشینی، بونینگ ییللیک خرجتی ۲۸۰میلیون دالردن آشیشینی ایتدی.
یو‌ان‌دی‌پی افغانستان‌نینگ قویاش انرژیسی ایشلب چیقریش ظرفیتینی یخشیراق توشونتیریش اوچون، بو امکانیت بویوک بریتانیا نینگ برچه برق انرژیسیگه بۉلگن احتیاجینی تأمینلش اوچون یېترلی اېکنینی تأکیدله‌دی.
تشکیلات ۲۰۱۲ ییلدن بویان ۵.۵ میلیوندن آرتیق افغانستانلیک‌نینگ تازه انرژیدن فایده‌لنیش امکانیتینی تأمینله‌گنینی، بیراق مملکتده حلی هم کۉپلب فقرالر برقرار انرژیدن فایده‌لنیش امکانیتیگه اېگه اېمسلیگینی بیلدیردی.
یو‌ان‌دی‌پی«انرژی هفته‌لیگی» مناسبتی بیلن افغانستان انرژی ساحه‌سی متصدیلرینی بیر جایگه تۉپلب، مملکتده انرژیدن فایده‌لنیش امکانیتی نینگ حالتینی محاکمه قیلماقچی.
افغانستان اۉزیگه ضرور بۉلگن برق انرژیسینی اساسن ایران، تورکمنستان، تاجیکستان و اۉزبېکستاندن صادر قیله‌دی.
شو بیلن بیرگه، مملکت‌نینگ کۉپلب قیشلاق حدودلری حلی هم الکتر ترماغیگه اولنمه‌گن و او یېرده‌گی اهالی برقرار الکتر انرژیسیدن فایده‌لنه آلمه‌یدی. شهرلرده اېسه فقرالر ایسّیق و ساووق فصللرده برق انرژیسی نینگ اوزاق وقت دوامیده اۉچیریلیشی همده اونینگ عدالتسیز تقسیملنیشیدن شکایت قیلماقده.
