۲۹-مېزان اۉزبېک تیلی ملي کونی مناسبتی بیلن آسترلیاده فرهنگی محفل بۉلیب اۉتدی. اونده بیر قطار فرهنگیلر نمایندهلری، یازووچیلر، عیاللر و یاشلر اشتراک اېتدی.
تورکستان اویوشمهسی تامانیدن تشکیل اېتیلگن اوشبو تدبیر اۉزبېک تیلینی اولوغلش، آنه تیلینی اسرهب-اوهیلش و اونی کېلهجک اولادلرگه یېتکزیش مهملیگینی تأکیدلش مقصدیده اۉتکزیلدی.
محفل اشتراکچیلری آنه تیلینینگ ملي و مدني اۉزلیکنی سقلشدهگی اۉرنی، ادبي میراثنی کېلهجک اولادلرگه یېتکزیش همده اۉزبېک تیلی ملي کونینی نشانلشنینگ اهمیتی حقیده فکر بیلدیردیلر.
تدبیر دوامیده بیر گروه اشتراکچیلر آنه تیلی و اۉزبېک خلقینینگ مدنیتینی مدح اېتووچی شعرلرنی اۉزبېک تیلیده اۉقیب بېردیلر.
شونینگدېک، محلي طعاملر، هنرمندچیلیک نمونهلری و ملي اۉزبېک کییملری کۉرگزمهسی هم تشکیل اېتیلیب، اونده اۉزبېک خلقینینگ مدنیتی، صنعتی و عرف-عادتلری نمایش اېتیلدی.
آسترلیاده بوندهی تدبیرنینگ تشکیل اېتیلیشی فرهنگ نمایندهلری و اۉزبېک تیلیگه مِهر قۉیگن انسانلر نینگ بیر دورهده جمع بۉلیشی، شونینگدېک، مهاجرلر آرهسیده آنه تیلی و ملي مدنیتنی اسرهب-اوهیلش مهملیگینی ینه بیر بار تأکیدلش اوچون امکانیت یرهتدی.
