طالبلرنینگ ایچکی ایشلر وزیری سراجالدین حقانی روسيهنینگ افغانستان بۉییچه مخصوص وکیلی ضمیر کابلوف بیلن اوچرهشیب، مذاکره اۉتکزدی.
طالبلر ایچکی ایشلر وزیرلیگی مطبوعات سوزلاوچیسی عبدالمتین قانع بوگون (چهارشنبه، ۲۰ عقرب) کېچقورون ایکس اجتماعي ترماغیده بیانات بېریب، «طالبلرنینگ گیاوندمادّهلر سوداسیگه قرشی کورهشدهگی سعی-حرکتلری و اېریشگن یوتوقلری یوقاری بهالنگنینی همده بیرلشگن ملتلر تشکیلاتینینگ افغانستاندهگی گیاهوند مادّهلر حقیدهگی گزارشی مضمونیگه نسبتاً اوشبو گروه نینگ موضوعی بیان اېتیلگنینی» معلوم قیلگن.
اونینگ قۉشیمچه قیلیشیچه، ایکّی تامان منطقهدهگی موجود معمالرنی حل اېتیش و اولرنی ملاقات یۉلی بیلن برطرف قیلیش مهملیگی حقیده هم فکر المشگن.
طالبلر ایچکی ایشلر وزیرلیگی مطبوعات سوزلاوچیسی اوشبو اوچرهشوو حقیده باتفصیل معلومات بېرمهگن.
بیرلشگن ملتلر تشکیلاتینینگ گیاهوند مادّهلر و جنایتچیلیک بۉییچه ادارهسینینگ ینگی گزارشیگه کۉره، جاري ییلده افغانستانده گیاهوند مادّهلر ایشلب چیقریش حجمی ۴۰۰ فایزگه آشگن.
گزارشده قید اېتیلیشیچه، جاري ییلده افغانستانده کۉکناری اېکیلگن یېر میدانی ۴۳ مینگ هکتاردن آشگن. حالبوکه، ۲۰۲۵-ییلده بو کۉرستکیچ تخمیناً ۱۰ مینگ هکتارنی تشکیل اېتگن.
شونینگدېک، گزارشگه کۉره، اۉتگن ییلی قریب ۳۰۰ تُننی تشکیل اېتگن تریاک ایشلب چیقریش حجمی جاري ییلده ۱مینگ ۵۰۰ تُنگه یقینلشگن.
طالبلر ایچکی ایشلر وزیرلیگی اوّلراق هم اوشبو گزارشنی رد اېتیب، اونی رسمي معلوماتلر و جایلردهگی دلیللرگه ضد دېب بهالهگن اېدی.
