ایران تشقی ایشلر عباس عراقچی عمان پایتختی مسقطه سفری دوامیده مملکت تشقی ایشلر وزیری بدر بوسعیدی بیلن اوچرهشیب، مذاکرهلر اۉتکزدی.
بدر بوسعیدی بوگون (سهشنبه، ۲۶عقرب) ایکس اجتماعي ترماغیده نشر قیلگن پیامیده عباس عراقچی بیلن «ثمرهلی اوچرهشوو» اۉتکزگنینی معلوم قیلگن.
اونینگ ایتیشیچه، اوچرهشووده ایران و عمان اۉرتهسیدهگی مناسبتلر همده منطقوي معمالر بحث قیلینگن.
بدر بوسعیدی قۉشیمچه قیلیشیچه، او و عراقچی منطقوي معمالرنی حل اېتیشگه قرهتیلگن دوام اېتهیاتگن سۉنگگی دیپلوماتیک سعی-حرکتلر یوزهسیدن فکر المشگن همده «کېسکینلیکنی کمهیتیریش و تینچ یۉل بیلن یېچیم تاپیش مقصدیده ملاقات و مصلحتلشوولرنی دوام اېتتیریش» مهملیگینی تأکیدلهگن.
عباس عراقچی تیناوون تونده عمانگه تشریف بویوردی. ایران و امریکا اۉرتهسیدهگی اوروش دوامیده «بېطرفلیک» موضوعینی اېگهللهگن عمان ایکّی تامان اۉرتهسیدهگی بالواسطه مذاکرهلرده هم واسطهچیلیک قیلماقده.
شونینگدېک، ایران و عمان هرمز بۉغازینی بیرگهلیکده باشقریش بۉییچه علیحده مذاکرهلرنی باشلهگن. بو مذاکرهلر سۉنگگی بیر نېچه آی دوامیده دوام اېتماقده. بیراق امریکا جمهور رییسی دونالد ترامپ عمانگه آگاهلنتیریش بېریب، خلقارا سوو یۉلیدن کېمهلرنینگ اېرکین حرکتلنیشی تهران و مسقط تامانیدن چېکلنیشیگه آلیب کېلهدیگن کېلیشووگه اېریشیشگه اورینمسلیک کېرهکلیگینی بیلدیرگن.
