بیرلشگن ملتلر تشکیلاتینینگ انسان مسکنلشتیریش دستوری افغانستان شمالیده جایلشگن بلخ ولایتی مزار شریف شهری سۉنگگی ییگیرمه ییل ایچیده سېزیلرلی درجهده رواجلنگن دېب معلوم قیلگن.
برنامه بوگون (جمعه،۱۶ عقرب) ایکس اجتماعی ترماغیده یازگن اظهاراتیده، شهر رواجی حقیقي ترقیات بۉلیشی اوچون ثمرهلی شهر رېجهلشتیریش بیلن بیرگه بۉلیشی ضرورلیگیگه اعتبار قرهتدی.
بیرلشگن ملتلر تشکیلاتینینگ انسان مسکنلشتیریش دستوری «کېلینگ، همه اوچون فایدهلی بۉلگن شهرلرنی قورهلیک!» دېب یازگن.
اوشبو دستور ایلگری هم افغانستان شهرلرینینگ، جملهدن بامیان و هرات شهرلرینینگ رېجهسیز رواجلنیشینی تنقید قیلگن اېدی.
تشکیلاتنینگ کۉپهیتیریشیچه، رېجهسیز شهر رواجی چېکّه حدودلرنی کۉپهییشیگه، خدمتلرگه اېریشیشنینگ چېکلنیب قالیشیگه و یشاوچیلر اوچون باشقه تورلی معمالرگه آلیب کېلهدی.
