بیرلشگن ملتلر تشکیلاتینینگ بالهلرنی حمایت اېتیش بۉییچه صندیغی، سمنگان ولایتیده یېر قیمیرلش حادثهسیدن زیان کۉرگن عایلهلرگه ۴۲۷ ته ساغلیقنی سقلش بستهلری قۉشیمچه قیشگی کییم – کیچک یاردم کۉرستیلگنینی معلوم قیلدی.
یونیسفنینگ افغانستاندهگی نمایندهسی تاجالدین اویوالهنینگ ایکس صحیفهسیده یازیشیچه، مذکور یاردملر بوگون (جمعه۱۶ عقرب) عایلهلرگه توزیع اېتیلگن.
یونیسف نمایندهسی کۉپراق یاردملر حلی یۉلده دېب ایتگن.
جاری هفته باشلریده یکشنبهدن دوشنبهگه اۉتر کېچهسی ۶.۳ریشتر زلزله مملکت شمالی ولایتلرینی تیترهدی.
اوشبو یېر قیمیرلشنینگ مرکزی سمنگان ولایتی خلم اولسواللیگی بۉلگن و اېنگ کۉپ تلفات اېسه بلخ ولایتیگه یېتگنی تیلگه آلینهدی.
بیرلشگن ملتلر تشکلاتی یاردملرنی هماهنگ قیلووچی دفترینینگ رسمی حساب کتابیگه کۉره، مذکور زلزلهده ۲۵ کیشی هلاک و باشقه ۹۸۴ کیشی اېسه آغیر و یېنگل تن جراحتی آلگن.
