پاکستان تشقی ایشلر وزیرلیگینینگ ایتیشیچه، طالبان تحریک طالبان پاکستان (تیتیپی) و بلوچستان آزادلیک اوردوسی (بیالای) اعضالرینی افغانستانده «قاچقین» صفتیده رۉیخطگه آلیشگه اورینهیپتی.
اوشبو وزیرلیک بوگون (یکشنبه،۱۸ عقرب) اعلان قیلگن بیاناتیده: «بو مسأله نه انسانپرورلیک معماسی، نه قاچقینلر مسألهسی، بلکه ترورچیلرنی قاچقین صفتیده کۉرسهتیش اوچون ایشلهتیلهیاتگن بیر ترفند دېییلهدی.
طالبان سۉزلاوچیسی ذبیحالله مجاهد تیناون «پاکستان نینگ قبیلهوي منطقهلریدن کېلگن مهاجرلر» افغانستانده موجودلیگینی تصدیقلهدی. او شونینگدېک، بو مهاجرلر پاکستاندن قۉرققنلیکلری سببلی چېگره حدودلریدن افغانستاننینگ مرکز منطقهلریگه کۉچیریلگن و اولرنی نظارت قیلیشنی آسانلشتیریش مقصدیده اولر اوچون اردگاه تشکیل اېتیلگن دېدی.
پاکستان تشقی ایشلر وزیرلیگی بیاناتیده قید اېتیلیشیچه،۲۰۱۵ییلدهگی «ضرب غضب» عملیاتیدن سۉنگ پاکستانگه علاقهدار تیتیپی ترورچیلری افغانستانگه قاچیب اۉتگن و حاضر طالبان اولرنی «قاچقین» صفتیده تقدیم اېتیشگه اینتیلماقده.
وزیرلیکنینگ قۉشیمچه قیلیشیچه، تیتیپی اعضالری آلدینگی حکومت و خلق ارا کوچلرگه قرشی جنگده طالباننی قۉللب-قوّتلهگنلر و حاضرگی طالبان رژیمی صادقلیگی عوضیگه اولرنی و اولرنینگ عایلهلریگه پناه بېرماقده.
«خودّی شو ترورچیلر حاضر افغانستانده مشغولات اردگاهلری تشکیل اېتیب، پاکستانگه قرشی ترورچیلیک عملیاتلرینی اۉتکزیش اوچون تیارگرلیک کۉرماقده» دېب بیلدیریلگن بیاناتده.
پاکستان تشقی ایشلر وزیرلیگی طالباندن بو ترورچیلرنی پاکستانگه تاپشیریشنی سۉرهگن، اما طالبان نظارت یۉقلیگینی بهانه قیلیب بو طلبنی تکرار تکرار رد اېتگن، دېییلهدی بیاناتده.
وزیرلیکنینگ تأکیدلشیچه، بو مسأله قابلیت مسألهسیدن کۉره، طالبان رژیمینینگ نیتی مسألهسیگه ایلنگن. «بۉش وعدهلر و امیدسیز امیدلر اېندی ایش بېرمهیدی. اېندی پاکستان منفعتلری و خلقینینگ حیاتینی حمایه قیلیش اوچون انیق و اۉلچهب بۉلهدیگن چاره-تدبیرلر عملگه آشیریلیشی کېرهک»، دېییلهدی پاکستان تشقی ایشلر وزیرلیگی بیاناتیده.
وزیرلیک شونینگدېک: «پاکستان افغانستانده یشهیاتگن هر بیر پاکستان وطنداشینی و اولرنینگ عایلهلرینی قبول قیلیشگه تیار، اما بو اولرنی تورخم یاکه چېمن کبی چېگره اۉتیش یۉللریده تاپشیریش شرطی بیلن بۉلیشی کېرهک، ناقانوني و قوراللنگن حالده چېگرهدن اۉتکزیلیشیگه یۉل قۉییلمسین».
«پاکستاندهگی پشتون ملتچیلیگی حرکتی»
پاکستان تشقی ایشلر وزیرلیگی بوگونگی بیاناتیده شونینگدېک، بعضی عنصرلر طالبان رژیمیده «پاکستان ایچیده پشتون ملتچیلیگینی قۉزغهشگه اورینماقده» دېب معلوم قیلدی.
«تاریخي حقیقت شوکی، پاکستانده پشتونلر جمعیت و دولت نینگ فعال و جانلی قِسمی بۉلیب، مملکت نینگ سیاسي و ملکی توزیلمهسیده یېتکچی لوازملرده اشتراکلری بار دېب تاکیدلهگن. پاکستاندهگی پشتونلر سانی افغانستاندهگیدن کۉپراق. شو نینگ اوچون، پاکستانده پشتون تویغولرینی قۉزغش اۉرنیگه، طالبان رژیمی اۉز حکومت توزیلمهسیده تورلی اېلتلرنی حقیقي طرزده قۉشیشنی اۉیلشی کېرهک».
وزیرلیک شونینگدېک قید اېتهدی: طالبان افغانستانده تېرورچیلیکنی پاکستاننینگ ایچکی مسألهسی صفتیده تقدیم قیلماقده، لېکن اولر اونوتگن. «افغانستانده پاکستانگه قرشی ترورچیلیک هجوملرینی عملگه آشیریشگه فتوا بېرگن شخصلر موجود. بوندن تشقری، حاضر پاکستانده فعال بۉلگن ترورچیلیک گروهلریگه کۉپلب افغانستان وطنداشلری هم قۉشیلگن».
پاکستان تشقی ایشلر وزیرلیگینینگ قۉشیمچه قیلیشیچه: پاکستان اۉز ایچکی معمالرینینگ برچهسینی یخشی بیلهدی و اولرنی حل قیلیشگه قادر. شو سببلی پاکستان طالبان رژیمیدن بیر نېچه مرته پاکستانگه هجوم قیلهیاتگن ترورچیلرنی قۉللشدن واز کېچیشینی طلب قیلگن.
بیاناتده شوندهی دېییلهدی:۲۰۲۱ ییل اگستیدن کېین افغانستان توپراغیدن پاکستانگه قرشی ترورچیلیک هجوملرینینگ کېسکین آشگنلیگی بۉییچه انیق دلیللر و حجتلر موجود بۉلیشیگه قرهمهی، طالبان رژیمی بو حقیقتنی بوتونلهی انکار اېته آلمهیدی و جوابگرلیکدن قاچالمهیدی.
سۉنگگی تۉرت ییل ایچیده طالبان و پاکستان چېگره بۉییچه بیر نېچه بار ماجرا قیلگن. آخرگی تۉقنشوو اۉتگن آی صادر بۉلیب، تخمیناً بیر هفته دوام اېتگن. شو ماجرا آرتیدن ایکّی تامان تورکيه و قطر واسطهچیلیگیده اوچ مراتبه مذاکره آلیب بارگن، لېکن بو مذاکرهلر نتیجهسیز توگهگن.
پاکستان افغانستاندن کېلهیاتگن ترانسچېگرهوي ترورچیلیکنی تۉختهتیشنی طلب قیلماقده، اما طالبان، تیتیپی پاکستان نینگ ایچکی معماسی بۉلیب، اولر اونی نظارت قیله آلمهیدی دېب ایتهدی.
