بیرلشگن ملتلر تشکیلاتینینگ اهالی یشش جایلری بۉییچه دستوری افغانستان شهرلریده برق انرژیسی تنقیصلیگی موجودلیگینی معلوم قیلدی.
مذکور تشکیلات بوگون (یکشنبه،۲۳ قوس) ایکس اجتماعي ترماغیده یازیشیچه، عایلهلر هر کونی برق اوزیلیشلریگه دوچ کېلماقده، تجارت ضرر کۉرهیپتی و بالهلر تعلیم آلیش امکانیدن محروم بۉلماقده.
بیرلشگن ملتلر تشکیلاتینینگ اهالی یشش جایلری دستوری قَیته تیکلنووچی انرژی ساحهسیگه سرمایه کیریتیش ضرورلیگینی تأکیدلب، بونی برقرار و چیدملی شهرلر قوریش نینگ کلیتی دېب اتهگن.
افغانستان هر ییلی قیش و یاز فصللریده برق انرژیسی یېتیشماوچیلیگی بیلن یوزلشهدی.
بو موسملرده مملکت بۉیلب اویلر و فابریکهلرگه برق انرژیسی نوبت بیلن یېتکزیلهدی، اهالی اېسه کوندوز و تون دوامیده اوزاق ساعتلر برقسیز قالهدیلر.
