طالبلر نظارتیدهگی افغانستان طبيعي آفتلر بیلن کورهش ملي ادارهسی کابل شهرینینگ تۉرتینچی ناحیهسیده یوز بېرگن یانغین عاقبتیده ایکّی کیشی یرهلهنیب، طبیات مؤسسهلریگه یېتکزیلگنینی معلوم قیلدی.
اوشبو ادارهنینگ نشر قیلگن بیاناتگه کۉره، یانغین بوگون (دوشنبه،۸-سرطان) توشدن کېین کابلنینگ تۉرتینچی ناحیهسی سرایی گلبهار حدودیده یوک موترینینگ یاقیلغی تانکی پارتلشی عاقبتیده یوزهگه کېلگن.
طالباننینگ طبيعي آفتلر بیلن کورهش ادارهسی معلوماتیگه کۉره، حادثه نتیجهسیده یېتّی اوی، تۉرتته دوکان و تۉرتته یوک موتری هم ضرر کۉرگن.
بوگون توشدن کېین کابل اهالیسی اجتماعي ترماقلرده ترقهتگن ویدېولرده کوچلی پارتلش آوازی اېشیتیلگنی، اوندن سۉنگ یانغین باشلنگنینی خبر قیلگن اېدی.
ترقهلگن ویدېولرده آسمان تامان قلین توتون اوستونی کۉتریلگنی کۉرینهدی.
