ننگرهار ولایتیدهگی محلي منبعلر قوراللی باسقینچیلر چپرهار اولسواللیگی و جلال آباد شهریده ایکّی کیشی یاش ییگیتنی اۉلدیرگنینی معلوم قیلدی.
محلي منبعلر اطلاعات روز گزېتهسیگه اوشبو حادثهلر سۉنگگی ایکّی کون ایچیده یوز بېرگنینی ایتدی.
بیرینچی حادثه پنجشنبه (۱۱ سرطان) کونی کېچقورون جلال آباد شهرینینگ سکّیزینچی ناحیهسیده «ولایتو» منطقهسیده یوز بېرگن. اونده فیضالرحمن اسملی ییگیت هلاک بۉلگن. منبع نینگ ایتیشیچه، فیضالرحمن جماعت نمازیدن اوییگه قَیتهیاتگنیده قوراللی باسقینچیلرگه دوچ کېلگن.
باسقینچیلر اونینگ پولی و مبایل تیلفونینی تارتیب آلیب، سۉنگ اونی اۉلدیرگن.
شونگه اۉخشش ینه بیر حادثه ننگرهار ولایتینینگ چپرهار اولسواللیگیدهگی «قلعه شیخ» قیشلاغیده صادر بۉلگن.
بو یېرده هم بیر ییگیت قوراللی باسقینچیلر تامانیدن اۉلدیریلگن.
محلي منبع نینگ اطلاعات روز گزېتهسیگه ایتیشیچه، اوشبو حادثه تناوون (جمعه،۱۲ سرطان) صادر بۉلگن.
منبعگه کۉره، باسقینچیلر زینتالله اسملی ییگیتنی قتّيق کلتکلب، آغیر یرهلهگن همده اوندن 12 مینگ۵۰۰ پاکستان کلداری نقد پول و مبایل تېلفونینی آلیب کېتگن.
زینتالله آرهدن بیر نېچه ساعت اۉتیب آلگن آغیر جراحتلری عاقبتیده وفات اېتگن.
طالبان بوتون مملکت بۉیلب «تۉلیق خوفسیزلیک» تأمینلنگنینی دعوا قیلهیاتگنیگه قرهمهی، قوراللی باسقینچیلر نهفقط فقرالرنینگ مال-ملکینی تلهماقده، بلکه وقتی-وقتی بیلن اولرنینگ جانیگه هم ضامن بۉلماقده.
