طالبلرنینگ سمنگان ولایتی امنیه قوماندانلیگینینگ معلوم قیلیشیچه، دره صوف بالا اولسواللیگیده کۉمیر کانینینگ قولهب توشیشی عاقبتیده بیر کیشی کانچی جان بېرگن.
طالبلرنینگ سمنگان امنیه قوماندانلیگی مطبوعات سۉزلاوچیسی حشمتالله رحمانينینگ ایتیشیچه، حادثه تیناوون (۱۶-سرطان، سهشنبه) یوز بېرگن.
اونینگ سۉزلریگه کۉره، هلاک بۉلگن کانچی دره صوف بالا اولسواللیگی یشهگن بۉلیب، اونینگ جسدی ویرانهلر آستیدن چیقریلیب، عایله اعضالریگه تاپشیریلگن.
بوندن آلدین هم افغانستان نینگ کۉمیر کانلریده ایشچیلرنینگ هلاک بۉلیشی بیلن باغلیق کۉپلب حادثهلر قید اېتیلگن.
متخصصلر بوندهی بختسیز حادثهلرنینگ اساسي سببلری صفتیده خوفسیزلیک قاعدهلریگه رعایه قیلینمسلیگی، زمانهوي و ستندرد اسکونهلر نینگ یېتیشمسلیگی همده قوتقروو امکانیتلری نینگ چېکلنگنلیگینی کۉرسهتماقده.
