واقعه جاییدهگی منبعلرنینگ تصدیقلشیچه، اوشبو شخصلر چهارشنبه آقشامی (۱۷-سرطان) کامه اولسواللیگینینگ «دارگلی» قیشلاغیده قۉلگه آلینگن.
منبعلرگه کۉره، طالبان نینگ امر به معروف و نهي از منکر خادملری تۉی مراسمیگه باستیریب کیریب،۱۴ کیشینی حبسگه آلگن.
حبسگه آلینگنلر آرهسیده تۉی اېگهسی نینگ قرینداشلری و قۉشنیلری هم بار.
طالبلرنینگ امر به معروف و نهي از منکر تۉغریسیدهگی قانونیگه کۉره، موسیقهی چهلیش و اونی تینگلش حرام دېب اعلان قیلینگن همده منع اېتیلگن.
کۉپلب خبرلرگه کۉره، طالبلر افغانستاننینگ تورلی حدودلریده تۉی و باشقه طنطنهلرگه باستیریب کیریب، نهفقط خوانندهلر و سازندهلرنی، بلکه مراسم تشکیلاتچیلرینی هم حبسگه آلماقده.
طالبلر تۉی-تماشالر یاکه بازارلردن مصادره قیلینگن موسیقی اسبابلری همده آواز کوچهیتیرگیچ و موسیقی اجرا اېتیش واسطهلرینی یاقیب یوبارهدی.
طالبان حاکمیتنی قَیته اېگهلهگنیدن سۉنگ، فقط اولرنینگ فعالیتینی مدح اېتووچی یاکه ترغیب قیلووچی شعر و موسیقیلرنی یرهتیش همده اجرا اېتیشگه رخصت بېریلگن. طالبان بوندهی اثرلرنی “نعت” دېب اتهب، اولرنی ایشلب چیقریش و عامهگه ترقهتیشگه اذن بېرهدی.
