محلي منبعلر هلمند ولایتینینگ نوزاد اولسواللیگیده ۱۳ یاشلی بالهنینگ جسدی تاپیلگنینی معلوم قیلماقده.
منبعلرگه کۉره، اوشبو باله نوزاد اولسواللیگینینگ «خاوه» منطقهسیده سِرلی طرزده اۉلدیریلگن. اونینگ جسدی قاپگه سالینیب، کېین سوو اریقیگه تشلب یوباریلگن.
منبعلرنینگ ایتیشیچه، بالهنینگ تنهسیدهگی جراحتلر اونینگ باشیگه تاش بیلن اوریب اۉلدیریلگنینی کۉرستماقده. شونینگدېک، جسدده بۉغیلیش علامتلری هم انیقلنگن.
حاضرچه باله نینگ شخصی انیقلنمهگن. هلمنددهگی محلي طالبلر رسميلری هم بو واقعه یوزهسیدن حاضرگچه ایضاح بېرمهگن.
بیر نېچه کون آلدین هم قندهار ولایتیده بیر ییگیت نینگ جسدی تاپیلگنی حقیده خبر بېریلگن اېدی.
طالبلر خوفسیزلیک تأمینلنگنینی دعوا قیلهیاتگنیگه قرهمهی، افغانستاننینگ تورلی حدودلریده قاتللیک و باشقه جنایتلر حقیده دېیرلی هر کونی خبرلر کېلماقده.
