«بیرلیک» سیاسي جریانی بیر بیانات اعلان قیلیب، طالبلر صفیده خدمت قیلهیاتگن اۉزبېک، تورکمن و ایماق حربيلرینی اوروش همده اوشبو گروه بیلن همکارلیکنی تۉختهتیشگه، قوراللرینی یېرگه قۉییشگه و اۉز عایلهلری بغریگه همده تینچ حیاتگه قَیتیشگه چقیردی.
بیاناتده ایتیلیشیچه، طالبان صفیده قالیشنی دوام اېتتیریش بو گروه اعضالریگه آبرو و شرَف اېمس، بلکه بدناملیک، اجتماعي یکّهلنیش همده افغانستان خلقی تاریخي خاطرهسیده سلبي میراث قالدیریشدن باشقه نتیجه بېرمهیدی.
«بیرلیک» شونینگدېک، طالبان بیلن همکارلیکنی آنگلی روشده دوام اېتتیرهیاتگن هر بیر شخص اۉز قراری و اونینگ عاقبتلری اوچون شخصن مسوول بۉلیشینی تأکیدلهگن. آقیمگه کۉره، تاریخ و جماعتچیلیک انسانلر نینگ خطی-حرکتلری همده قرارلریگه بها بېرهدی و هېچ کیم اۉز عمللری اوچون اخلاقي همده تاریخي جوابگرلیکدن چېتده قالمهیدی.
بیانات یکونیده «بیرلیک» طالبان صفیدهگی اۉزبېک، تورکمن و ایماق حربيلرینی امکانیت قۉلدن چیقمسیدن اوّل وجدان، مسوولیت و افغانستان خلقی منفعتلریگه اساسلنگن یۉلنی تنلشگه چقیرگن.
