طالبلرنینگ قندهاردهگی اخبارات و مدنیت باشقرمهسی باشلیغی انعام الله سمنگانی، اوشبو گروه مدافعه وزیرلیگی باش بازرسی لطف الله حکیمينینگ بیاناتلریگه مناسبت بیلدیریب، بوگونگی افغانستانده «ملي» دېگن توشونچه آستیده هېچ نرسه یۉقلیگینی ایتدی.
سمنگانی بوگون (چهارشنبه،۱۱-سنبله) ایکس اجتماعي ترماغیده یازیشیچه، نه مدافعه وزیرلیگی ملي، نه رادیو، نه اوردو و پولیس، نه پشتو و دري تیللری ملي حسابلنهدی.
لطف الله حکیمي «شمشاد» خصوصي تلویزیونیگه بېرگن صحبتیده فقط پشتو تیلینی افغانستان نینگ «ملي تیلی» دېب اتهگن، فارسي تیل اېسه ملي اېمس، بلکه رسمي تیل اېکنینی ایتگن اېدی.
انعام الله سمنگانی دوامیده «پشتو و دري مملکت نینگ تېنگ مقامدهگی ایکّی تیلی، خلاص»، دېب یازگن.
او، شونینگدېک، اقبال لاهوري نینگ بیرلیک و «بیر خیللیک» غایهلریگه اورغو بېرووچی شعریدن پرچه کېلتیرگن.
طالبلر افغانستانده قَیته حاکمیتنی اېگهلهگنیدن سۉنگ اَیریم بیلیم یورتلری و دولت ادارهلری لوحه لرینی اۉزگرتیریب، اولردن فارسي تیلیدهگی یازوولرنی آلیب تشلهگن. شو سببلی بو گروه «فارسي تیلیگه قرشی سیاست» یوریتیشده عیبلنیب کېلماقده.
