امریکانینگ «افغانستان اوروشی کمیسیونی» هیئتی پاکستانگه سفری چاغیده اوشبو مملکت اوردوسی قوماندانی عاصم منیر بیلن اوچره‌شدی.
پاکستان اوردوسی بوگون کېچقورون (دوشنبه، ۶-میزان) نشر قیلگن بیاناتیده امریکا هیئتی‌نینگ عاصم منیر بیلن راولپندیده اوچره‌شگنینی معلوم قیلدی.
«افغانستان اوروشی کمیسیونی» امریکا کانگرسی تامانیدن توزیلگن مستقل و ایکّی حزب تشکیلاتدیر. اوشبو کمیسیون قۉشمه ایالتلری‌نینگ افغانستانده‌گی ۲۰ ییللیک اشتراکینی اۉرگنماقده.
پاکستان اوردوسی بیاناتیده ایتیلیشیچه، «افغانستان اوروشی کمیسیونی»گه اونینگ رییسلری ن، شمیلا ن. چودری و کالین اف. جکسون با عاصم منیر بیلن عمومي منفعتلرگه عاید مسأله‌لر، جمله‌دن، پاکستان‌نینگ کۉمه‌گی، منطقه‌ده‌گی خوفسیزلیک وضعیتی و افغانستانده‌گی سۉنگگی جریانلر حقیده مذاکره قیلگن.
پاکستان اوردوسی بیاناتیگه کۉره، مذاکره‌لرده کمیسیون‌نینگ فعالیتیگه علاقه‌دار قره‌شلرگه اساسي اعتبار قره‌تیلگن.
پاکستان اوردوسی عاصم منیر افغانستانده‌گی اوزاق دوام اېتگن ماجرا دوریده پاکستان دوچ کېلگن «معمالرنی علیحده تأکیدله‌گنی»نی بیلدیرگن.
او ماجرانینگ استراتژیک، دیپلوماتیک و اۉپراتیف جهتلرینی بهالشده منطقوي قره‌شلر همده پاکستان‌نینگ تجربه‌سینی حسابگه آلیش مهم‌لیگینی تأکیدله‌گن.
پاکستان اوردوسی معلوم قیلیشیچه، امریکا هیئتی «افغانستان اوروشی دوامیده پاکستان‌نینگ اوزاق ییللیک رۉلی و قربانلیکلرینی اعتراف اېتگن همده اوشبو مملکت نینگ منطقه‌ده تینچلیک و برقرارلیکنی تأمینلش باره‌سیده‌گی دوامي اشتراکینی قدرله‌گن».
«افغانستان اوروشی کمیسیونی» ۲۰۲ضییل دسامبر آییده امریکا کانگرسی تامانیدن تشکیل اېتیلگن. کمیسیون‌نینگ وکالتی یقینده اوزه‌یتیریلگن.
کانگرس اوشبو مستقل و ایکّی حزب کمیسیونگه امریکانینگ افغانستانده‌گی ۲۰ ییللیک اوروشینی هر تامانله‌مه اۉرگنیش همده اوشبو تحلیلدن کېلیب چیقیب، اۉرگنیلگن سبقلر و کېله‌جک اوچون توصیه‌لر ایشلب چیقیش وظیفه‌سینی یوکله‌گن.
امریکا ناتوده‌گی اتفاقچیلری بیلن بیرگه‌لیکده ۲۰۰۱-ییلده، ۱۱-سپتمبر هجوملریدن سۉنگ، طالبان نظارتیده‌گی افغانستان‌گه باستیریب کیریب، اوشبو گروه حکومتینی اغدرگن.
امریکا و اونینگ اتفاقچیلری ۲۰ ییل اۉتیب، ۲۰۲۱-ییلده افغانستاندن چیقیب کېتدی و طالبان حاکمیتگه قَیتدی.
امریکانینگ افغانستاندن چیقیب کېتیش اصولی و اونینگ عاقبتلری امریکا جمعیتیده کېنگ تنقیدلرگه سبب بۉلگن.
