یونسکو و یونیسف تامانیدن نشر قیلینگن افغانستانده‌گی تعلیم حالتیگه عاید ینگی گزارشیگه کۉره، اۉرته مکتبلرده قیزلرمینگ تعلیم آلیشی تعقیقلنگن بیر پیتده، اۉغیل باله‌لرنینگ تعلیمده‌گی اشتراکی هم کمه‌یگن.
گزارشگه کۉره، بیلیم یورتلرده تحصیل آله‌یاتگن اۉغیل محصللر سانی هم کمه‌یگن و ۲۰۲۶-ییلده اولرنینگ سانی ۲۰۱۹-ییلگه نسبتاً اوچدن بیر قِسمگه کم بۉلیشی تخمین قیلینماقده.
ایکّی تشکیلات‌نینگ افغانستانده‌گی تعلیم صفتی حقیده‌گی گزارشیده ایتیلیشیچه، مملکت هنوزگچه اساسي کۉنیکمه‌لرنی اېگه‌للش باره‌سیده جدّي معمالرگه دوچ کېلماقده. مکتبلرده اۉقووچیلر سانی‌نینگ کمه‌ییشی، بیلیم یورتلرده محصللر سانی‌نینگ قیسقریشی و تعلیم صفتی په‌سه‌ییشی بیلن بیر وقتده دیني مکتبلر سېزیلرلی درجه‌ده کېنگه‌یگن.
