ننگرهارده منبعلر ایکّی عایله اۉرته‌سیده باله‌لر جنجلی سببلی یوزه‌گه کېلگن تۉقنه‌شوو عاقبتیده بیر کیشی هلاک بۉلگنی، ینه بېش کیشی یره‌لنگنینی معلوم قیلدی.
منبعلر «اطلاعات‌روز» گزیته‌سیگه بېرگن معلوماتیگه کۉره، اوشبو حادثه تیناوون (شنبه، ۲عقرب) کېچقورون ننگرهار مرکزی جلال آباد شهری‌نینگ سکّیزینچی ناحیه‌سیده‌گی «دامان» منطقه‌سیده صادر بۉلگن.
منبع‌نینگ ایتیشیچه، تۉقنه‌شوو وقتیده بیر عایله‌نینگ اعضالری باشقه عایله‌گه قره‌ته اۉق اوزگن. عاقبتده مراد اسملی ییگیت هلاک بۉلگن، ینه بېش کیشی یره‌لنگن.
منبعلر اوشبو تۉقنه‌شووگه باله‌لر اۉرته‌سیده‌گی جنجل سبب بۉلگنینی اَیتماقده.
ننگرهار ولایتیده‌گی طالبلر امنیه قوماندانلیگی مطبوعات سوزلاوچیسی سید طیب‌حماد هم اوشبو حادثه یوز بېرگنینی تصدیقلب، واقعه‌گه علاقه‌دارلیکده گمان قیلینگن بیر نېچه کیشی حبسگه آلینگنینی بیلدیرگن.
