پاکستان اوردوسی عاصم منیر مملکت اوردوسی و قوراللی کوچلری قوماندانی رسمي سفر بیلن تهرانگه یېتیب کېلگنینی معلوم قیلدی.
پاکستان اوردوسی بیاناتیده اوشبو سفر حقیده باشقه تفصیلاتلر کېلتیریلمه‌گن.
پاکستان اوردوسی قوماندانی، سعوديه عربستانی مدافعه وزیری و تورکيه ملي استخبارات تشکیلاتی باشلیغی بوگون (دوشنبه، ۴ عقرب) تهران‌ده ایران رسميلری بیلن اوچره‌شیب، مذاکره‌لر اۉتکزیشی کوتیلماقده.
ایران تشقی ایشلر وزیرلیگی مطبوعات سوزلاوچیسی اسماعیل بقایی‌نینگ ایتیشیچه، ایران رسميلری‌نینگ «مکه پیمانی» اعضالری بیلن اوچره‌شووی عاصم منیرنینگ اۉتگن هفته تهرانگه قیلگن سفری چاغیده بېرگن تکلیفی و تشبثی اساسیده اۉتکزیله‌دی.
اونینگ قۉشیمچه قیلیشیچه، بو بیرینچی اوچره‌شوو بۉلیب، اونده ایران جمهور رییسی مسعود پزشکيان و ایران عالي ملي خوفسیزلیک کېنگشی کاتبی محسن رضايی هم اشتراک اېته‌دی. اوچره‌شووده تورلی موضوعلر، جمله‌دن، ایران و امریکا اۉرته‌سیده‌گی حربي قره‌مه-قرشیلیک مسأله‌سی محاکمه قیلینه‌دی.
بو پاکستان اوردوسی قوماندانی‌نینگ بیر هفته‌دن کم وقت ایچیده تهرانگه ایکّینچی تشریفیدیر. او اۉتگن هفته سه‌شنبه کونی هم تهرانگه تشریف بویوریب، ایران رسميلری بیلن امریکا بیلن آلیب باریله‌یاتگن مذاکره‌لر حقیده فکر المشگن اېدی.
